Եկեղեցու և կառավարության միջև երկխոսություն չի եղել. Բագրատ սրբազան
«Եկեղեցու և կառավարության միջև խոսակցություն չկա և գոյություն չի էլ ունեցել»,- Alpha Newsroom-ի ուղիղ եթերում ասել է Հայ առաքելական եկեղեցու Տավուշի թեմի առաջնորդ Բագրատ արքեպիսկոպոս Գալստանյանը՝ պատասխանելով հարցին, թե ինչի՞ շուրջ Եկեղեցին և ԿԳՄՍ նախարարությունն ընդհանուր հայտարարի չեն գալիս, որի հետևանքով «Հայ եկեղեցու պատմություն» առարկան դպրոցական ծրագրից որպես առանձին միավոր պետք է դուրս գա:
Բագրատ սրբազանն ասել է, որ Վեհափառ հայրապետի և վարչապետի առաջին հանդիպմանը նախատեսվել էր ստեղծել հանձնախմբեր, որոնք կքննարկեին այն բոլոր հարցերը, որոնք վերաբերում էին «Հայ եկեղեցու պատմություն» առարկային: Մայր Աթոռը ստեղծել է հանձնախումբ, սակայն կառավարությունը չի արել դա: Եղել են միայն մեկ կամ երկու անգամ անհատական մակարդակով հանդիպումներ:
Սրբազանի կարծիքով՝ առարկան ծրագրից հանելու այն հարցերը, որոնք կարող էին պատճառ լինել օրինակ՝ ուսուցիչների վերապատրաստում, դասագրքերի վերատեսություն, ժամաքանակի կրճատում կամ ավելացում և այլն, դրանք լուծելի խնդիրներ էին, սակայն դրանց վերաբերյալ երկխոսություն, քննարկում այդպես էլ տեղի չի ունեցել:
Իսկ պատճառաբանությունն առ այն, որ հայ Եկեղեցու պատմությունն անբաժան է հայոց պատմությունից, այդ իսկ պատճառով ճիշտ են համարել, որ այն ներառվի «Հայոց պատմություն» առարկայի ծրագրում, Բագրատ արքեպիսկոպոս Գալստանյանը աշխարհայացքային առումով ընդունել է, սակայն ընդգծել է, որ «Հայ եկեղեցու պատմություն» և «Հայոց պատմություն» առարկանները տարբեր գիտակարգեր են, տարբեր խնդիրներ են լուծում, տարբեր հարցերի են անդրադառնում և պետք է առանձին դասավանդվեն:
«Եթե իրենց այդ տրամաբանությամբ դիտարկենք, ապա հայ գրականությունը, հայոց լեզուն ևս անբաժան են հայոց պամությունից, հետևաբար ինչու՞ են սրանք անջատված մեկը-մյուսից որպես առարկաններ»,- այսպիսի հարցադրում է արել սրբազան հայրը:
«Ես վերստին իմ համոզմունքն եմ հայտնում, որ դա զուտ քաղաքական որոշում է: Պատրանքային հանձնախմբի մասին խոսել, պատրանքային, իմիտացիոն երկխոսության մասին անդրադարձ ունենալ, բայց երբեք կոնկրետ գործողություններ չանել, այն ձևով, որ մենք ցանակցանք, բայց չեղավ, այս նույն տրամաբանության մեջ: Դա ուղղակիորեն մեծագույն վնասներից մեկն է լինելու մեր ազգային նկարագրի ինքնությանն ուղղված», — ընդգծել է արքեպիսկոպոս Գալստանյանը:
Բագրատ սրբազանը մատնանշել է, որ ԿԳՄՍ-ի բերած պատճառաբանություններից մեկն էլ հղում է տալիս Սահմանադրությանը, թե «Հայ եկեղեցու պատմություն» առարկայի դասավանդմամբ վիրավորում են մեր երկրում բնակվող ազգային փոքրամասնությունների կրոնական, հոգևոր զգացմունքները:
Այստեղ սրբազանը ևս մեկ հարցադրում է արել, թե հայ գրականության առարկան դասավանդելիս ինչպես են խոսելու սուրբ Մովսես Խորենացու մասին, ասելու՞ են արդյոք, որ շարականգիր է, մեր պատմահայրն է, աղոթասաց մարդ է եղել, եպիսկոպոս էր: Եթե չասեն, ապա դա կնշանակի, որ աղճատելու են, կեղծելու են պատմությունը և մարդուն կեղծ գիտելիք են փոխանցելու, որ ազգային փոքրամասնությունների զգացմունքները չոտնահարեն:
Մանրամասները՝ տեսանյութում:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Կենսաչափական անձնագրերը քաղաքացիներին հասանելի կլինեն 2026 թվականի աշնանը
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...