Ինձ 20 րոպեում հաջողվեց դահլիճից փաթեթով դուրս վռնդել իշխանական պատգամավորներին․ Էդգար Ղազարյան
ԱԺ մարդու իրավունքների պաշտպանության և հանրային հարցերով հանձնաժողովի արտահերթ նիստի ժամանակ իշխանական պատգամավորները Էդգար Ղազարյանի ելույթի ժամանակ դուրս եկան նիստերի դահլիճից և հայտարարեցին, որ կվերադառնան քվեարկության ժամանակ։
«Ես առաջարկում եմ թույլ տանք՝ ելույթը ավարտի, մենք սպասենք դրսում, ելույթի ավարտից հետո կվերադառնանք քվեարկության ժամին»,- ասաց Արթուր Հովհաննիսյանը։
Հանձնաժողովի անդամ իշխանակական պատգամավորների կողմից դահլիճը լքելուց հետո, Ղազարյանը շարունակեց իր ելույթը։
«Սիրելի հայրենակիցներ, ինձ հաջողվեց անել այն, ինչը երազում էր մեր ժողովուրդը՝ ԱԺ-ից վռնդել իշխանական ամբողջ թիմին միանգամից, մի փաթեթով և դա տեղի ունեցավ ընդամենը 20 րոպեի ընթացքում։ Ահա, թե ինչ է նշանակում պայքար հանցախմբի դեմ, որը կարճ ժամանակում տալիս է որակյալ արդյունք, մենք հասել ենք հաջողության։ Նրանք վռնդված են այն նիստից, որտեղ եկել էին քննարկելու ՄԻՊ-ի պաշտոնում իրենց ապօրինի առաջադրած թեկնածուի հարցը, սա ձեռքբերում է։ Այսպես փուլ առ փուլ հանձնաժողովի նիստերի դահլիճից, հետո նիստերի դահլիճից, հետո հանրային կյանքից նրանք պետք է վռնդվեն»,- ասաց Էդգար Ղազարյանը։
Նշենք, որ նիստի ընթացքը ի սկզբանե հարթ չէր ընթանում, այն պարբերաբար ընդմիջվում էր իշխանական պատգամավորների կողմից, որոնք պահանջում էին, որ Ղազարյանը որակումներ չտա իշխող քաղաքական ուժին։
Հիշեցնենք, որ այսօր ապրիլի 4-ին, ԱԺ մարդու իրավունքների պաշտպանության և հանրային հարցերով հանձնաժողովի արտահերթ նիստում քննարկվում է ՄԻՊ թեկնածու առաջադրելու հարցը: ՔՊ-ի թեկնածում գլխավոր դատախազի տեղակալ Անահիտ Մանասյանն է, իսկ ընդդիմադիր «Հայաստան» եւ «Պատիվ ունեմ» խմբակցությունների առաջադրած թեկնածուն՝ Էդգար Ղազարյանը:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Կենսաչափական անձնագրերը քաղաքացիներին հասանելի կլինեն 2026 թվականի աշնանը
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...