Դունյա Միյատովիչը կոչ է արել բացել Լաչինի միջանցքը
Եվրոպայի Խորհրդի Մարդու իրավունքների հանձնակատար Դունյա Միյատովիչը կոչ է արել բացել Լաչինի միջանցքը։
«Ես ուշադիր հետեւում եմ Լեռնային Ղարաբաղի շուրջ ստեղծված իրավիճակին՝ Լաչինի միջանցքով անցնող ճանապարհը դեկտեմբերի 12-ից փակելուց հետո։ Ինձ մտահոգում է այն, որ մարդկանց տեղաշարժը խափանվել է, ոմանց թույլ չեն տալիս հասնել իրենց տները, ինչպես նաեւ խափանվել է առաջին անհրաժեշտության ապրանքների եւ ծառայությունների հասանելիությունը, ներառյալ սննդամթերքը եւ անհետաձգելի բժշկական օգնությունը, սպառնում են Լեռնային Ղարաբաղի բնակչության կողմից մարդու իրավունքների իրացմանը»,-ասել է Միյատովիչը:
«Հասարակական կարգի պահպանման եւ միջանցքի անվտանգության համար պատասխանատուները պետք է ձեռնարկեն բոլոր անհրաժեշտ միջոցները՝ այդ ճանապարհով երթեւեկությունը շտապ կարգով վերականգնելու եւ հումանիտար իրավիճակի վատթարացում թույլ չտալու համար։ Բացի այդ, բոլոր համապատասխան շահագրգիռ կողմերը պետք է խուսափեն լարվածության սրումից։
Ներկայիս իրավիճակը եւս մեկ անգամ ցույց է տալիս մարդասիրական օգնության եւ ԼՂ-ում բնակվող մարդկանց եւ բոլոր շրջանների նկատմամբ միջազգային իրավապաշտպան առաքելությունների ազատ եւ անարգել հասանելիության ապահովման կարեւորությունը։ Ինչպես նշել եմ 2021 թվականի իմ հուշագրում, համապատասխան մարմինները պետք է մշակեն մուտքի արդյունավետ եւ ճկուն եղանակներ, որոնք թույլ կտան բոլոր համապատասխան կողմերին մարդասիրական օգնություն ցուցաբերել բոլոր կարիքավորներին։
Որպես մարդու իրավունքների հանձնակատար՝ շարունակելու եմ մեծ ուշադրություն հատկացնել Լեռնային Ղարաբաղում մարդու իրավունքների հետ կապված իրավիճակին։ Պատրաստ եմ համագործակցել բոլոր համապատասխան զրուցակիցների հետ, որպեսզի օգնեմ հաղթահարել առկա խնդիրները»,-հավելել է նա։
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո