Թուրքիայում չեն աջակցում հայերի հետ խաղաղության հասնելու օրակարգը. Վարուժան Գեղամյան

2019 թվականի ապրիլից մենք ականատես ենք լինում, որ Թուրքիայի պաշտոնական հռետորաբանությունը Էրդողանի ցուցումով ամբողջապես փոխվում է: Այս մասին թյուրքագիտական երկու նոր գրքերի շնորհանդեսին ասաց թուրքագետՎարուժան Գեղամյանը

«2019 թվականի ապրիլի 24-ին մենք ունենում ենք ոչ թե ելույթ, որտեղ քննարկվում է ընդհանուր ցավը, որին հղում է կատարում Ժիրայր Լիպարիտյանը, ոչ թե համատեղ կեցությանը կամ այլ բաների, այլ խոսվում է Հայաաստանի ու հայության դեմ ուղղված մեղադրանքների մասին ու փաստացի հայտարարվում է արցախյան գալիք պատերազմում Թուրքիայի մասնակցության հիմնավորման մասին: Այսդ ելույթից հետո թուրքագետներս բարձրաձայնեցինք սրա մասին հնարավոր բոլոր ձեւաչափերով, թե մամուլում, թե փակ հանդիպումներով, բայց որպես կանոն մենք ստացանք պատասխանը, թե մենք էլի ընկել ենք պատմության գիրկը եւ դա իրականության հետ կապ չունի»,- ասաց նա:

Նրա խոսքով` 2020 թվականի պատերազմից հետո, երբ ակնհայտ դարձավ Թուրքիայի մասնակցությունը պատերազմին ոչ թե միջնորդավորված է, այլ ուղիղ է, դրանից հետո սկսեցին ակտիվ քարոզել, որ Հայաստանում մենք ենք հրահրում թշնամանք թուրքերի նկատմամբ եւ Թուրքիայում նման բան չկա:

«Մենք տեսնում ենք ոչ միայն Էրդողանի բերանից արտասաանված հակահայկական թեզեր, այլ ըստ էության այդ թեզերի տիրաժավորում հասարակության լայն շրջանակում: Թուրքիայում չեն աջակցում հայերի հետ խաղաղության հասնելու օրակարգը: Մեզ ասում են, որ մենք թուրքագետ չենք, այլ թուրքատյաց ենք, փաստերոն մեզնից պահանջում են, որ մենք ոչ միայն դավաճանենք հայրենիքը, այլ նաեւ գիտությանը, որովհետեւ գիտությունը մեզ ապացուցում է, որ ունենք պետություն, որը հակահայկական է թե իր պետական հռետորաբանությամբ, թե իրականացրած քայլերով»,- ասաց նա: