Պեդրին չի խաղա մոտ 2 ամիս

«Բարսելոնայի» կիսապաշտպան Պեդրին վնասվածք է ստացել Ֆրանկֆուրտի «Այնտրախտի» դեմ Եվրոպայի լիգայի քառորդ եզրափակիչի պատասխան խաղում, հաղորդում է Mundo Deportivo-ն։

19-ամյա ֆուտբոլիստը ձախ ազդրի մկանային վնասվածքի հետեւանքով բաց կթողնի մոտ երկու ամիս եւ այս մրցաշրջանում այլեւս չի խաղա։

Պեդրին այս մրցաշրջանի առաջին կեսը նույնպես բաց էր թողել վնասվածքի հետեւանքով եւ խաղադաշտ վերադարձել հունվարին։

Հիշեցնենք, որ «Բարսելոնան» «Այնտրախտին» պարտվել է 2։3 հաշվով եւ ավարտել պայքարը Եվրոպայի լիգայում։ Գերմանիայում տեղի ունեցած առաջին հանդիպումն ավարտվել էր 1։1 հաշվով։