Մոուրինյո․ Ցանկանում ենք լավագույն արդյունքով ավարտել մրցաշրջանը

«Ռոմայի» պորտուգալացի գլխավոր մարզիչ Ժոզե Մոուրինյոն մեկնաբանել է 3։0 հաշվով հաղթանակը «Լացիոյի» նկատմամբ Իտալիայի առաջնության 30 տուրի խաղում։

«Մեր խաղացողները հրաշալի գործեցին, «Լացիոն» երկրորդ խաղակեսում փորձեց ճնշում գործադրել, հռոմեական դերբիին արժանի հպարտությամբ խաղաց, բայց այդպես էլ ոչ մի սպառնալիք չեղավ, եւ դա իմ խաղացողների աշխատանքի արդյունքն է։

Ես տեսնում եմ առաջատարների քառյակը։ Նրանք մինչեւ մրցաշրջանի ավարտը կմնան իրենց տեղում։ Չեմ տեսնում այլ թիմի, որը կկարողանա մասնակից դառնալ չեմպիոնական մրցավազքին։

5-8-րդ տեղերի համար պայքարում են «Ռոման», «Ատալանտան», «Լացիոն» ու «Ֆիորենտինան»։ 5-րդ եւ 8-րդ տեղերի միջեւ կա տարբերություն։ Մենք ցանկանում ենք լավագույն արդյունքով ավարտել մրցաշրջանը»,- Մոուրինյոյի խոսքը մեջբերում է Football Italia-ն։

«Ռոման» 51 միավորով 5-րդն է եւ չորրորդ տեղում գտնվող «Յուվենտուսից» հետ է 8 միավոր։