Օրվա ընթերցվածք

Եսայու մարգարեություն 61․3-7
3 փառավորելու Սիոնի սգավորներին,
որ մոխրի փոխարեն ուրախության օծման յուղի պիտի արժանանան,
իսկ սգավորները վհատ հոգու փոխարեն՝ փառքի զգեստի։
Եվ նրանք պիտի կոչվեն ազգ արդարության, տունկ՝ ի փառս Տիրոջ։
4 Պիտի վերաշինեն դարավոր ավերակները,
նախկինում ավերվածները պիտի վերականգնեն
և նորոգեն դարերից ի վեր փլատակված քաղաքները։
5 Օտարածինները պիտի գան ու լինեն քո ոչխարների հոտերի հովիվները,
այլազգիները՝ քո մաճկալներն ու այգեգործները։
6 Իսկ դուք Տիրոջ քահանաներ պիտի կոչվեք,
մեր Աստծու պաշտոնյաներ պիտի անվանվեք,
ազգերի հարստությունը պիտի ուտեք
և նրանց մեծությամբ պիտի փառավորվեք։
7 Ձեր ամոթի փոխարեն՝ կրկնակի ուրախություն,
ձեր անարգանքի փոխարեն ցնծություն պիտի վայելեք
և ապա դարձյալ պիտի ժառանգեք երկիրը,
և հավիտենական ուրախություն պիտի լինի ձեզ համար։