2021-ին Հայաստանից մեկնողները 73 հազարով ավելի են եղել, քան ժամանողները

2021 թվականին Հայաստանից ավելի շատ քաղաքացի է մեկնել, քան ժամանել:

Վիճակագրական կոմիտեի տվյալներով, մասնավորապես, հայկական փաստաթղթերով Հայաստանից հեռացել է 762 792 քաղաքացի, և Հայաստան է եկել 689 221 քաղաքացի, տարբերությունը կազմել է 73 571 քաղաքացի: Նկատենք, որ Վերջին 10 տարում նման մեծ բացասական թիվ չի արձանագրվել Հայաստանում:

Ի դեպ, 2020 թվականին Հայաստանից մեկնողների և ժամանաողների տարբերությունը եղել է դրական: Ժամանողները 42 786-ով ավելի են եղել:

Նշենք, որ 762 հազար հեռացողներից 533 հազարը հեռացել է «Զվարթնոց» օդանավակայանով, 119 հազարը՝ Բագրատաշենի անցակետով, 43 հազարը Գյումրիի օդանավակայանով:

Նշենք նաև, որ Հայաստանի մշտական բնակչությունը եւս նվազել է, եթե 2020-ի վերջին ՀՀ բնակչությունը կազմել է 2 963.3 հազար մարդ, ապա 2021-ի վերջին՝ 2 961.0 հազար մարդ: