Պետք է ավարտել պահվող անձանց փոխանակումը՝ «բոլորը բոլորի դիմաց» սկզբունքով․ Զախարովա
«Մենք ողջունում ենք Ադրբեջանի կողմից 8 հայ զինծառայողի փոխանցումը հայկական կողմին, և, իհարկե, կարևոր է հնարավորինս շուտ լուծել այդ վիճահարույց հարցը հայ-ադրբեջանական հարաբերություններում, ավարտել պահվող անձանց փոխանակումը՝ բոլորը բոլորի դիմաց սկզբունքով»,-ճեպազրույցի ժամանակ ասել է ՌԴ ԱԳՆ պաշտոնական ներկայացուցիչ Մարիա Զախարովան։
Զախարովան հիշեցրել է, որ 2020 թվականի դեկտեմբերի 2-ին ռուս խաղաղապահների միջնորդությամբ, ընդհանուր առմամբ, վերադարձվել է 146 մարդ՝ 127-ը՝ հայկական կողմին, 19-ը՝ ադրբեջանական, հավելել, որ Ռուսաստանը կարևորում է զուգահեռաբար գործադրվող ջանքերը՝ ուղղված անհետ կորածների ճակատագիրը պարզելուն, աջակցելու է դրան նաև որպես ԵԱՀԿ ՄԽ համանախագահող երկիր։
«ՌԴ-ն իր կողմից արել է, անում է և անելու է ամեն ինչ՝ պահվող անձանց վերադարձնելու հարցում: Այդ հարցն առաջնահերթ է»,- ասել է նա:
Անդրադառնալով Արցախի՝ Ադրբեջանի վերահսկողության տակ անցած տարածքներում հայկական մշակութային ժառանգության պահպանման խնդրին՝ Զախարովան նշել է՝ այդ հարցով կանոնավոր կապ է պահվում Բաքվի և Երևանի միջև:
«Մենք կողմ ենք տարածաշրջանում ՅՈւՆԵՍԿՕ-ի առաքելության շուտափույթ մեկնարկին»,- ասել է ՌԴ ԱԳՆ ներկայացուցիչը:
Ցիկլոնի ներթափանցմամբ պայմանավորված տեղումներ, բուք կլինեն
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ չունենք կանաչ Երևան
Տղամարդն Իրանից Հայասատան է տեղափոխել 22 կգ թմրամիջոցով պարկ
Պարզեցվել է անհատական բնակելի տների կառուցման գործընթացը
Գյումրու գլխավոր ճարտարապետը մեղադրյալի աթոռին է՝ կաշառք ստանալու, պաշտոնեական կեղծիքի համար
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Իրանի հանգուցյալ գերագույն առաջնորդի կինը ողջ է
Իրանի հավաքականները կարող են որակազրկվել և հեռացվել ՖԻՖԱ-ի բոլոր հետագա մրցաշարերից
Սահարայի ավազները սպիտակել են