Պոգբա. Ֆրանսիան այլեւս աշխարհի լավագույն թիմը չէ

Աշխարհի չեմպիոն Ֆրանսիայի հավաքականի եւ անգլիական «Մանչեսթեր Յունայթեդի» կիսապաշտպան Պոլ Պոգբան անդրադարձել է ազգային թիմի անհաջողություններին։

«Շատ ժամանակ է անցել Ֆրանսիայի հավաքականում տարած վերջին հաղթանակիցս։ Ես կարոտում եմ այդ ժամանակները։ Ազգային թիմի բոլոր խաղացողներն են կարոտում։

Մենք այլեւս աշխարհի լավագույն թիմը չենք։ Մենք պետք է ամեն ինչ փոխենք եւ լինենք ավելի ագրեսիվ։ Մենք պետք է ավելի շատ քրտինք թափենք եւ ավելի մեծ ցանկությամբ խաղանք»,- Պոգբայի խոսքը մեջբերում է Marca-ն։

Ֆրանսիայի հավաքականը հունիսի 15-ին Եվրո-2020-ում Գերմանիայի հավաքականին 1։0 հաշվով հաղթելուց հետո ոչ ոքի է խաղացել Հունգարիայի (1:1), Պորտուգալիայի (2:2), Բոսնիայի (1:1) եւ Ուկրաինայի հետ (1:1), պարտվել է Շվեյցարիային (3:3, 11մ՝ 4:5)։