Իշխանությունները կապիտուլյանտ բառին ավելի ակտիվ են արձագանքում, քան Բաքվի հայտարարություններին. Հայկ Մամիջանյան
Չգիտես ինչու, Հայաստանի իշխանություններն ավելի ակտիվ են արձագանքում ընդդիմության հնչեցրած կապիտուլյանտ բառին, քան Ադրբեջանի նախագահ Իլհամ Ալիեւի կոշտ հայտարարություններին: Այս մասին օգոստոսի 17-ին ԱԺ արտահերթ նիստին հայտարարեց «Պատիվ ունեմ» դաշինքի խորհրդարանական խմբակցության քարտուղար Հայկ Մամիջանյանը:
Նա նկատեց, որ ոչ արտաքին գործերի նախարարի պաշտոնակատար Արմեն Գրիգորյանը, ոչ որեւէ այլ պաշտոնյա որեւէ հայտարարություն չի արել` ի պատասխան Ալիեւի վերջին հայտարարություններին: «Ալիեւը փաստացի ընդունեց, որ 2020-ի պատերազմը սանձազերծել է Ադրբեջանը: Այդ, ինչպես նաեւ Բաքվի կողմից հրահրված սպառազինությունների մրցավազքի կապակցությամբ պետք է լինի միջազգային հանրության համապատասխան արձագանքը»,- հավելեց Մամիջանյանը:
Պատգամավորը հիշեցրեց, որ Հայաստանը Ղարաբաղի անվտանգության երաշխավորն է, եւ Ադրբեջանն իրավունք չունի քիթը խոթել Հայաստանի եւ դրա դաշնակցի միջեւ հարաբերությունների վրա, որոնք կարեւոր գործոն են տարածաշրջանային անվտանգության ապահովման համար:
Նրա խոսքով` բանակցությունների նախապայմանը պետք է լինի հայ գերիների վերադարձը եւ Ղարաբաղի կարգավիճակի հետ կապված հարցի վերջնական պատասխանը:
«Ղարաբաղը երբեք չի լինի Ադրբեջանի կազմում»,- ընդգծեց նա:
Հայաստանում ԱՄՆ դեսպանատունը զգուշացնում է
Երիտասարդը իրավապահներից փախչելիս ընկել է Հրազդանի կիրճի ջրատարը
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Հայաստանից Ռուսաստան ներմուծվող արտադրանքի նկատմամբ վերահսկողությունը խստացվել է
Դեպի Երևան տանող ճանապարհը և ենթակառուցվածքները բերել պատշաճ վիճակի և տեսքի
ԿԳՄՍՆ-ն զգուշացնում է ուսուցիչներին
ԱՄՆ ցամաքային զորքերի շտաբի պետը հրաժարական է տվել
Հօգուտ Դիլիջան համայնքի կբռնագանձվի 2 միլիոն 970 հազար դրամ
«Ես ձեզ նման չեմ, բայց ես ձեզանից մեկն եմ»․ Աուտիզմի իրազեկման միջազգային օր
Մեծ Պահք․ Ավագ Ուրբաթ