ԵԱՀԿ Մինսկի խմբի համանախագահները Ադրբեջանի կողմից 6 հայ զինվորների գերեվարման հետ կապված հայտարարությամբ են հանդես եկել
ԵԱՀԿ Մինսկի խմբի համանախագահները Ադրբեջանի կողմից 6 հայ զինվորների գերեվարման հետ կապված հայտարարությամբ են հանդես եկել:
Համանախագահները մայիսի 27-ին եւ 28-ին Ժնեւում խորհրդակցություններ են անցկացրել Կարմիր խաչի միջազգային կոմիտեի (ԿԽՄԿ) նախագահ Փիթեր Մաուրերի եւ ՄԱԿ Փախստականների հարցերով գերագույն հանձնակատար Ֆիլիպո Գրանդիի հետ: Հանդիպումներին մասնակցել է նաեւ ԵԱՀԿ գործող նախագահի անձնական ներկայացուցիչ Անջեյ Կասպրշիկը:
Համանախագահներն ի գիտություն են ընդունում մայիսի 27-ին վեց հայ զինվորների ձերբակալման մասին զեկույցը եւ կոչ են անում ազատ արձակել բոլոր ռազմագերիներին եւ մյուս ձերբակալվածներին: Նրանք շեշտում են միջազգային մարդասիրական օրենսդրությանը համապատասխան կալանավորված անձանց հետ վարվելու պարտավորությունը: Համանախագահները կողմերին հորդորում են անհապաղ վերացնել Լեռնային Ղարաբաղ մարդասիրական մուտքի բոլոր սահմանափակումները, ինչպես նաեւ կողմերին կոչ են անում լիովին կատարել նոյեմբերի 9-ի հրադադարի հայտարարությամբ ստանձնած պարտավորությունները:
Համանախագահները նաեւ մտահոգությամբ նշում են հայ-ադրբեջանական չսահմանազատված սահմանին տեղի ունեցած միջադեպերի մասին վերջին մի քանի հաղորդագրությունները: Սահմանային վեճերը լուծելու համար ուժի կամ ուժի գործադրման սպառնալիքն անընդունելի է: Նրանք կոչ են անում երկու կողմերին անհապաղ քայլեր ձեռնարկել, ներառյալէ զորքերի վերատեղակայումը, իրավիճակի դեէսկալացիան եւ խաղաղ ճանապարհով սահմանազատման եւ սահմանագծման շուրջ բանակցությունների մեկնարկը: Համանախագահները պատրաստ են աջակցել այս գործընթացին:
Հաշվի առնելով ԵԱՀԿ-ում իրենց մանդատի ժամկետները եւ տարածաշրջանի բոլոր ժողովուրդների ձգտումը կայուն, խաղաղ եւ բարգավաճ ապագայի հանդեպ` համանախագահները կողմերին կրկին կոչ են անում առաջին իսկ հնարավորության դեպքում վերսկսել իրենց հովանու ներքո աշխատանքը:
Հիշեցնենք, որ հայ զինծառայողներին գերեվարել են Հայաստանի ինքնիշխան տարածք ներխուժած ադրբեջանական ստորաբաժանումները:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
Մարմնամարզության տղամարդկանց հավաքականը տուն է վերադառնում
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...