Լուկաշենկոն եւ Ալիեւը հեռախոսազրույցներ են ունեցել
Բելառուսի եւ Ադրբեջանի նախագահներ Ալեքսանդր Լուկաշենկոն եւ Իլհամ Ալիեւն այսօր` մայիսի 22-ին, հեռախոսազրույց են ունեցել:
Բալառուսի նախագահի մամուլի ծառայության հաղորդմամբ՝ «Պետությունների ղեկավարները քննարկել են իրավիճակը երկու երկրներում, մտքեր փոխանակել արդիական հարցերի շուրջ:
Ալեքսանդր Լուկաշենկոն շնորհակալություն է հայտնել իր գործընկերոջը Բելառուս ածխաջրածինների աջակցության եւ մատակարարման համար: Պետությունների ղեկավարները գոհունակությամբ նշել են երկրների միջեւ ապրանքաշրջանառության աճը եւ մեծ ներուժի առկայությունը երկկողմ հարաբերությունների զարգացման գործում:
Ադրբեջանի նախագահը մանրամասն տեղեկացրել է հայ-ադրբեջանական սահմանին տիրող իրավիճակի մասին, հասցրել է Ադրբեջանի դիրքորոշումը որոշ ժամանակ առաջ տեղի ունեցած հայտնի միջադեպի վերաբերյալ:
Ալեքսանդր Լուկաշենկոն շեշտել է, որ Բելառուսը հույս ունի, որ իրավիճակը կլուծվի առաջիկա օրերին:
Ինչ վերաբերում է բելառուսա-ադրբեջանական երկկողմ օրակարգին, ապա պետությունների ղեկավարները մանրամասն քննարկել են համագործակցության ոլորտները եւ պայմանավորվածությունների կատարումը, որոնք ձեռք են բերվել Բելառուսի նախագահի` Ադրբեջան կատարած այցի ընթացքում:
Մոտ ժամանակներս Բելառուս կժամանի քաղաքաշինության մասնագետների ադրբեջանական պատվիրակությունը, բելառուս գործընկերների հետ միասին կմշակվի տարածաշրջանում շինարարական աշխատանքներ սկսելու ծրագիրը:
Բացի այդ, սպասվում է նաեւ գյուղատնտեսական պատվիրակության այցն Ադրբեջանից: Լուրջ հետաքրքրություն կա նաեւ բելառուսական փորձի նկատմամբ:
Ընդհանուր առմամբ, առաջիկա հանդիպումների շրջանակներում կազմվելու են Ադրբեջանում բելառուս շինարարների եւ այլ մասնագետների աշխատանքի կոնկրետ պլաններ»:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
Մարմնամարզության տղամարդկանց հավաքականը տուն է վերադառնում
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...