Վրացի նավաստիները հարձակվել են թուրքական բեռնափոխադրող ընկերության վրա
Վրաստանի ներքին գործերի նախարարությունը քրեական գործ է հարուցել խարդախությունների միջոցով Բաթումի նավաստիներից հնարավոր գումար հափշտակելու փաստի առթիվ:
Հետաքննությունը սկսվել է նախօրեին Բաթումում (Աջարիա) «Բեշիքթաշ Գրուպ» բեռնափոխադրող ընկերության գրասենյակում տեղի ունեցած միջադեպի կապակցությամբ:
Ըստ «Աջարիա» հեռուստաընկերության՝ նավաստիների հարազատները ներխուժել են այնտեղ, վնասել սարքավորումները, ֆիզիկական բռնության ենթարկել ընկերության աշխատակիցներին: Նրանք ընկերությանը մեղադրել են խարդախության և իրենց ընտանիքների գումարները յուրացնելու մեջ՝ պահանջելով համապատասխան արձագանք:
Նավաստիների հարազատները բողոքի ակցիա են անցկացրել նաև Աջարիայի ոստիկանության գլխավոր վարչությունում: Ըստ բողոքողների՝ մեկ ամիս առաջ շուրջ 90 նավաստի կապվել է «Բեշիքթաշ գրուպ»-ի գրասենյակի հետ, որտեղ նրանց խոստացել էին աշխատանքի տեղավորել: Թռիչքից առաջ նրանցից պահանջվել էր 1,5 հազար դոլար` կապված ծախսերի հետ: Ոմանք գումարի մի մասն էին փոխանցել ընկերության հաշվին, իսկ ոմանք էլ` ամբողջ գումարը: Ենթադրվում էր, որ նավաստիները ճամփորդության էին դուրս գալու հինգշաբթի` մայիսի 20-ին, բայց դա տեղի չի ունեցել:
Ենթադրվում էր նաև, որ թուրքական կողմը հոգ կտանի նավաստիների` Ստամբուլ տեղափոխման համար, որտեղ նրանց հետ պայմանագրեր կկնքվեին: Սակայն ավտոբուսը մաքսայինում չի դիմավորել նավաստիներին, իսկ ընկերության ներկայացուցիչների հետ կապ հաստատել չի հաջողվել:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
Մարմնամարզության տղամարդկանց հավաքականը տուն է վերադառնում
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...