Ադրբեջանին հորդորում ենք համագործակցել ՄԻԵԴ-ի հետ` հետաքննելու համար հայ գերիների նկատմամբ ոչ մարդկային վերաբերմունքի մասին հաղորդումների իսկությունը. Freedom House
Հեղինակավոր Freedom House իրավապաշտպան կազմակերպությունը զեկույց է հրապարակել` անդրադառնալով Ադրբեջանում պահվող հայ ռազմագերիների նկատմամբ տանջանքների մասին հաղորդումներին և կոչ անելով Ադրբեջանին թույլ տալ Մարդու իրավունքների եվրոպական դատարանին հետաքննություն անցկացնել:
«Ադրբեջանում կալանքի տակ պահվող 200 հայերի ճակատագիրը դեռևս անհայտ է, նրանց նկատմամբ նվաստացումների և կտտանքների մասին հաղորդումները շարունակվում են, մինչդեռ նրանց վերադարձը որոշվել էր ամիսներ առաջ երկու երկրի միջև կնքված հրադադարով»,- ասվում է զեկույցում:
«Խորապես մտահոգված ենք հայ գերիների և պահվող անձանց նկատմամբ Ադրբեջանի կողմից ոչ մարդկային վերաբերմունքի և մարդու իրավունքների խախտումների, այդ թվում` տանջանքների մասին լուրերով: Հորդորում ենք Ադրբեջանի իշխանություններին ամբողջովին համագործակցել Մարդու իրավունքների Եվրոպական դատարանի հետ` հետաքննելու համար հայերի նկատմամբ ոչ մարդկային վերաբերմունքի մասին հաղորդումների իսկությունը` անկախ պահվող անձանց կարգավիճակից և համոզվելու, որ կալանքի տակ գտնվող անձինք ստանում են անհրաժեշտ պաշտպանություն` մարդու իրավունքների միջազգային և համամարդկային օրենքի համաձայն, այդ թվում` տանջանքներից և ոչ մարդկային վերաբերմունքից: Որպես Մարդու իրաունքների եվրոպական կոնվենցիային միացած երկիր` Ադրբեջանը պարտավորվում է ամբողջովին համագործակցել դատարանի հետ և տրամադրել ամբողջ պահանջվող տեղեկությունը` ապահովելու համար թափանցիկ հետաքննություն»,- ասվում է իրավապաշտպան կազմակերպության Եվրոպայի և Եվրասիայի ծրագրերի տնօրեն Մարկ Բեհրենդտի հայտարարության մեջ:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...