Երբ մարդիկ տեսնում են՝ մարզպետը տենց քեֆ է անում, իրենք էլ տենց ավտոբուս են նստում. Մարուքյան
Լոռու մարզի Վանաձոր քաղաքն է հիմա շատ քննարկվում, բայց ինչ է արել Լոռու մարզպետը, որ «Գլորիա»-ի ավտոբուսներն ավելանան։ Այս մասին լրագրողների հետ ճեպազրույցի ժամանակ ասաց ԱԺ «Լուսավոր Հայաստան» խմբակցության ղեկավար Էդմոն Մարուքյանը։
«Օրինակ ես գիտեմ, որ քեֆ էին արել, էդ քեֆի նկարը կա, տեսել եմ։ Հիմա մարզպետը քեֆ է անում, մյուս կողմից ասում են ժողովուրդ ոնց որ լավ չնստեցիք ավտոբուս։ Էս երկու ուղերձները սխալ ուղերձներ են։ Մեկը մյուսի ծայրահեղությունն է։ Երբ մարդիկ տեսնում են՝ մարզպետը տենց քեֆ է անում, իրենք էլ տենց ավտոբուս են նստում։ Հետևաբար ամբողջությամբ մեղադրել գործատուին, բանվորին, ավտոբուսի վարորդին, մի հատ Ձեզ նայեք։
Դուք ինչ եք արել, որ տենց չլինի։ Ով է գնացել այդ գործարան ու հարցրել՝ պետք ա ավտոբուսներն ավելացնել։ Ոչ ոք։ Ո՞վ է այդ դեպքից հետո ճշտել՝ էդ ինչ նկար էր։ Կարող ա ֆոտոշոփա։ Իրականում այսօր պարզվել է, որ այդ նկարն արվել է «Գլորիա»-ի տարածքից դուրս և իրենց պատասխանատվության բեռն այդտեղ չկա։ Ես տեսա, որ ֆաբրիկան փակելու որոշման հիմնավորման մեջ գրված էր այն, որ թեստավորման արդյունքում 17 վարակակիր է հայտնաբերվել։ Այսինքն այդ ավտոբուսի նկարը կապ չուներ փակելու հետ, բայց երեկ կապ ուներ»,-ասաց պատգամավորը։