Ադրբեջանի քաղաքացիները սկսել են ավելի շատ անշարժ գույք գնել Թուրքիայում
2019 թվականի հունվարից հունիս ընկած ժամանակահատվածում, Ադրբեջանի քաղաքացիները Թուրքիայում ձեռք են բերել ավելի քան 531 անշարժ գույք, ինչն անցյալ տարվա նույն ժամանակահատվածի համեմատ ավելի է 117-ով: Ինչպես գրում է «Թրենդ»-ը, այս մասին հայտնում են Թուրքիայի հողային կադաստրի և առուվաճառքի հարցերով պետական մարմնից:
Ըստ տեղեկությունների՝ ընթացիկ տարվա հունվարին Ադրբեջանի քաղաքացիները Թուրքիայում ձեռք են բերել 95, փետրվարին՝ 105, մարտին՝ 87, ապրիլին՝ 87, մայիսին՝ 90 անշարժ գույք։ Ընդ որում՝ ընթացիկ տարվա հունիսին ձեռք է բերվել 67 անշարժ գույք, ինչը 15-ով պակաս է 2018 թվականի հունիս ամսվա համեմատ:
2019 թվականի հունիսին Թուրքիան օտարերկրացիներին վաճառել է 2689 անշարժ գույք, ինչը 30,5 տոկոսով ավելի է նախորդ տարվա նույն ժամանակահատվածի համեմատ: