Արտակարգ իրավիճակ Սյունիքում. 150-ից ավելի մեքենաներ, այդ թվում երեխաներ ու հղիներ մնացել են բաց երկնքի տակ

Սյունիքի մարզում փետրվարի 11-ին, եղանակային անբարենպաստ պայմանների՝ ուժեղ բքի պատճառով արտակարգ իրավիճակ է ստեղծվել:

Shamshyan.com-ի հաղորդմամբ, Երեւան-Երասխ -Մեղրի ավտոճանապարհի 205 կմ հատվածում՝ Սիսիանի վարչական տարածքում, ժողովրդին հայտնի Իշխանասարի խաչմերուկում, ինչպես նաեւ նույն ճանապարհահատվածի 235 կմ-ում, Գորիսի վարչական տարածքում, 150-ից ավելի տրանսպորտային միջոցներ չեն կարողանում տեղաշարժվել։

«Շրջափակման» մեջ հայտնված քաղաքացիներն ասում էին. «Գնում էինք զինվորական երդմնակալության, սակայն հասել ենք Իշխանասար ու չենք կարողանում հասնել Գորիս։ Ողջ գիշեր մնացել ենք բաց երկնքի տակ։ Այս պահին էլ դեռ գտնվում ենք Իշխանասարի խաչմերուկում: Սպասողների մեջ կան նաեւ երեխաներ, մեծահասակներ, նույնիսկ հղիներ»:

Վարորդների մի մասն էլ Գորիսից դեպի Սիսիան չեն կարողանում հասնել։

Աղբյուրի տեղեկություններով ճանապարհը ձյունից մաքրելու աշխատանքին խանգարում են ուժեղ բուքը, ճանապարհը բացելուց հետո բուքը նորից այդ մաքրած ճանապարհը լցնում է ձյան հաստ շերտով։

Այս թեմայով Երևանում իրանցի 36-ամյա տղամարդը սպառնացել է ինքնահրկիզվել և փորձել է խոչընդոտել ԱԱԾ աշխատակիցների աշխատանքը Ռեստորանի մոտ կռիվ է տեղի ունեցել․ 5 վիրավոր կա Պայթյուն Վարդաշենի շենքերից մեկում. ընտանիքի անդամներ են հիվանդանոց տեղափոխվել Ջրվեժում բախվել են «Mercedes»-ը և «Opel Zafira»-ն. կան վիրավորներ Քաղցրաշեն գյուղում մտել են բնակչի տուն և գողացել մեծ թվով ոսկյա զարդեր և գումար․ պատճառվել է մոտ 6 մլն դրամի վնաս