«Հայելի» ակումբի վրա հարձակումով պետք է մեղադրանք լինի խուլիգանության և խտրական վերաբերմունքի մասով, որը երկու ամիս անց չկա (տեսանյութ)

Երկու ամիս առաջ «Հայելի» ակումբի վրա տեղի ունեցած հարձակումից հետո դեռ նախաքննությունը շարունակվում է, սակայն, սովորաբար, նման գործերի դեպքում վարույթն իրականացնող մարմնին երկու ամիսը բավարար է: Քննչական կոմիտեն այս գործով անգործության է մատնված:

Այս մասին այսօր լրագրողների հետ հանդիպմանն ասաց «Հայելի» ակումբի սեփականատեր, «Հայելի» կայքի գլխավոր խմբագիր Անժելա Թովմասյանի ներկայացուցիչ-փաստաբան Զարուհի Փոստանջյանը:

«Երկու ամիս անց պարզվում է, որ Քննչական կոմիտեին ժամանակ է հարկավոր, որ նախաքննությունը շարունակի, անգամ դեռ մեղադրանք առաջադրված չէ խուլիգանության և խտրական վերաբերմունքի համար: Մենք դիտարկում ենք, որ այս ամենը ոչ միայն լրագրողի աշխատանքը խոչընդոտել է, այլ նաև խուլիգանական արարք՝ խտրականության հիմքով, քանի որ հարձակում է տեղի ունեցել «Հայելի» ակումբի գրասենյակի վրա: Այսինքն՝ եղել է հենց հարձակում, դա տեղի է ունեցել խուլիգանական արարքի միջոցով, և հանրային կարգն է խախտվել՝ հիմքում ունենալով խտրականությունը»,-ասաց Փոստանջյանը:

Նրա խոսքով՝ այդ հիմքով միջնորդություն են ներկայացրել Քննչական կոմիտե, քննիչը պատասխանել է, որ այս պահին միջնորդությունը չի քննարկվելու, եթե լինեն բավարար հիմքեր, ապա միջնորդությունը կքննարկվի:

«Բացի այդ, մենք միջնորդել էինք տուժող ճանաչել «Հայելի» ակումբին, որովհետև այստեղ ոչ միայն լրագրողն է տուժում, այլ նաև ակումբը՝ որպես իրավաբանական անձ: Տուժել է նաև ակումբը՝ պատճառվել է նյութական ու բարոյական վնաս, բացի այդ, մենք կարծում ենք, որ պարտադիր գործառույթներ չեն կատարվել, իհարկե, մենք մանրամասն չենք կարող հայտնել, քանի որ նախաքննություն է, բայց մենք Քննչական կոմիտեի գործողությունները գնահատում ենք անբավարար, նաև խորը անգործության է մատնված նրանց գործողությունները, և ես սա դիտարկում եմ ուղղորդված անգործություն, որովհետև այս գործի նկատմամբ հսկողություն իրականացնող դատախազը տեղեկացված է մեր բողոքներից և այս ամենը մատնել է անգործության»,-ասաց փաստաբանը:

Նա նաև հայտնեց, որ ԵԽԽՎ-ն ու ԵԽ-ն ունեն հատուկ կայք, որին անդամ պետություններն իրազեկում են տեղի ունեցող ոտնձգությունների վերաբերյալ, որոնք կապված են խոսքի ազատության, լրագրողների նկատմամբ ոտնձգությունների հետ, որոնք վերաբերում են լուսաբանումներին, խոսքի ազատությանը:

«Այս կայքին նույնպես հաղորդում է ներկայացված, նշվում է, որ հարձակվողները գործող իշխանության մերձավորներն են, եթե սա հիմք ենք ընդունում, ապա ստացվում է, որ այս անգործությունն ուղղորդված է իշխանության կողմից»:

Հիշեցնենք, որ հոկտեմբերին «Հայելի» ակումբի վրա տեղի ունեցած հարձակման փաստի առթիվ հարուցված է քրեական գործ ՀՀ քրեական օրենսգրքի 164֊րդ հոդվածի 1-ին մասի հատկանիշներով լրագրողի մասնագիտական օրինական գործունեությանը խոչընդոտելը:

Այս թեմայով Ինչ ընթացք է տրվել «Հայելի» ակումբի վրա հարձակման գործին, ինչու են իրավապահ մարմիններն անգործության մատնվել. (տեսանյութ) Անժելա Թովմասյանը 2 հեռուստաալիքից հրավեր է ստացել Անժելա Թովմասյանի նկատմամբ պաշտպանական միջոցներ ձեռնարկելու վերաբերյալ փաստաբանի դիմումը մերժվել է ԱԳՆ գլխավոր քարտուղարի որդին տաքուկ ծառայում է ՊՆ-ում, հյուրերին է ուղեկցում Պահանջում ենք, որ «Հայելի» ակումբը պաշարած երիտասարդներին տրվի մեղադրյալի կարգավիճակ, և քննվի իշխանությունների հետ նրանց հնարավոր կապը