Հայաստանի բանտերը չեն բավականացնելու այդ քանակի «ձուկ ու մուկ» տեղավորելու համար. Արթուր Ղազինյան
Հայաստանում բոլորը բոլորին բանտ են տանում, մի մասը սպառնում է քրեական պատասխանատվությամբ, մյուս մասն արդեն ենթարկում է այդպիսի պատասխանատվության: Այս մասին ֆեյսբուքյան իր էջում գրել է «Մեկ Հայաստան» կուսակցության հիմնադիր Արթուր Ղազինյանը։
«Դեռեւս 2000-ականներից ընդդիմությունն իր նկատմամբ ապօրինի քրեական գործ հարուցող քննիչներին ու դատախազներին սպառնում էր մոտալուտ եւ անխուսափելի քրեական պատասխանատվությանբ:
Սակայն գալով իշխանության, այդ նույն քննիչներին ու դատախազներին հրահանգում են հարուցել նոր քրեական գործեր, բայց արդեն իրենց քաղաքական ընդդիմախոսների նկատմամբ:
Այսօրվա ընդդիմությունը եւս սպառնում է քննիչներին ու դատախազներին դատարանի առջեւ կանգնեցնելու, եւ ավելի քան վստահ եմ, այդ նույն քննիչներն ու դատախազները վաղը կօգտագործվեն եւ կծառայեն արդեն նախկին իշխանության ներկայացուցիչների նկատմամբ քրեական հետապնդում հարուցելու հրամանին:
Իսկ արդյունքում, իշխանության ուղղակի հրահանգով ապօրինի քրեական գործեր հարուցած, մարդկանց նկատմամբ քրեական հետապնդում հարուցած եւ նրանց վարկաբեկած սուբյեկտները կմնան անպատիժ՝ քանի դեռ Հայաստանում կլինի հրահանգով քրեական գործ հարուցելու, կեղծ եւ շինծու մեղադրանքներով հանրային գործիչներին վարկաբեկելու քաղաքական պատվեր եւ այդ պատվերը կատարել պատրաստ քննիչներ ու դատախազներ:
Դե իսկ «դռների տակ վնգստացող» դատավորներին չենք մոռացել, բայց միշտ հիշեք, որ այդ միտքն արտաբերելու բացառիկ իրավունքը պատկանում է Նիկոլ Փաշինյանին:
Մնացածին կալանավորում են . . .
Հ.Գ. Քանի որ «ոչ մի ձուկ եւ ոչ մի մուկ չի պլստալու», Հայաստանի բանտերը չեն բավականացնելու այդ քանակի «ձուկ ու մուկ» տեղավորելու համար, առաջարկում եմ հայտարարել եւս մեկ համահայկական համաներում, բանտերից դուրս թողել բոլոր իրական հանցագործներին եւ ազատել նոր տեղեր «ձկների ու մկների» համար:
Կամ կարելի է կառուցել նոր, լյուքս դասի, բարձրակարգ վճարովի բանտեր՝ խոշոր «ձկների ու մկների» համար»,–նշել է նա:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Եվրահանձնաժողովն իր աջակցությունն է հայտնել Լեհաստանի վարչապետին
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո