Գիտնականներ. Մարդու մտավոր ունակությունները կախված են ջրից

Սան Dիեգոյի (ԱՄՆ) համալսարանի աշխատակիցները պնդում են, որ մտավոր ունակությունները կախված են խմելու ջրից, հաղորդում է Informing-ը:

Հետազոտողները պարզել են, որ գլխուղեղի ներսում ռեցեպտորներ կան, որոնք սկսում են ակտիվորեն աշխատել, երբ ջուրը մտնում է օրգանիզմ: Այդ ռեցեպտորների խնդիրն ուղեղի ակտիվության մեծացումն է:

Ամերիկացի գիտնականների հետազոտությանը մասնակցել են մի քանի տասնյակ տղամարդիկ: Ամեն առավոտ նրանք կես բաժակ ջուր են խմել: Գիտնականները պարզել են, որ մասնակիցների այդ խմբի մտավոր ունակությունների վերաբերյալ արդյունքները տարբերվում են մյուս խմբի ունակություններից, որոնք առավոտյան ջուր չեն խմել:

Գիտնականները խորհուրդ են տալիս հետեւել ջուր խմելու ռեժիմին: Օրինակ, նախընտրելի է մի քանի կում ջուր խմել նախաճաշից առաջ կամ սնունդ ընդունելու ընթացքում, սակայն շատ ավելի լավ է դա անել սիստեմատիկաբար, միշտ նույն ժամանակ:

Հետազոտողների խոսքով, առավոտյան մեկ բաժակ ջուր խմելը կլիցքավորի օրգանիզմը ողջ օրվա համար: Գիտնականները նշում են, որ այդ դեպքում բարձրանում է ամբողջ օրգանիզմի տոնուսը, բարելավվում են մտավոր ունակությունները:

Այստեղ հարկ է նկատել, որ շատ կարեւոր է ջրի որակը. ցանկալի է օգտագործել մաքուր ու ստուգված ջուր:

news.am