Հայաստանը մնում է Ռուսաստանի դաշնակիցը, սակայն կզարգացնի հարաբերություններն Արեւմուտքի հետ. Փաշինյան
Հայաստանը մնում է Ռուսաստանի դաշնակիցը, եւ մենք հույս ունենք զարգացնել հարաբերությունները Ռուսաստանի հետ, ինչպես նաեւ՝ ՆԱՏՕ-ի, արեւմտյան երկրների, ԵՄ-ի եւ ԱՄՆ-ի հետ: Այս մասին Euronews-ին տված հարցազրույցում հայտարարել է Հայաստանի վարչապետ Նիկոլ Փաշինյանը:
Նա հիշեցրել է, որ Հայաստանը ՆԱՏՕ-ի գործընկերն է եւ Կոսովոյում եւ Աֆղանստանում դաշինքի երկու առաքելությունների մասնակից: «Սա հնարավորություն է տալիս մասնակցելու միջազգային անվտանգության ապահովմանը: Այնուամենայնիվ, մենք ՀԱՊԿ-ի անդամ ենք, եւ մենք ընդհանուր առմամբ Հայաստանը տեսնում ենք այդ կազմակերպությունում եւ անվտանգության համակարգում»,- ասաց նա:
Հարցազրույցում Փաշինյանը նաեւ հաստատել է կառավարության պատրաստակամությունը կոռուպցիայի դեմ պայքարում, սակայն՝ «միայն օրենքի շրջանակներում եւ մարդու իրավունքներին համապատասխան»: «Ես քաղբանտարկյալ եմ եղել: Ինձ համար նվաստացուցիչ կլիներ, եթե Հայաստանում նոր քաղբանտարկյալներ լինեին», - ընդգծել է նա:
Բացի այդ, վարչապետը նշել է, որ հույս ունի Հայաստանի տնտեսությունն ավելի գրավիչ դարձնել օտարերկրյա ներդրումների համար: «Մենք կարողացանք մեծ տնտեսական փոփոխությունների հասնել: Մենք հավասար պայմաններ ունենք բոլոր խաղացողների համար: Հույս ունենք, որ Հայաստանի տնտեսությունն առավել գրավիչ դարձնել օտարերկրյա ներդրումների համար: Մենք կամրապնդենք հայկական ժողովրդավարությունը մեր միջազգային գործընկերների օգնությամբ կամ՝ առանց դրա»,- ասել է նա:


















































Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
2027 թվականի հունվարի 2-ից սիգի ձկնկիթի՝ 6 ամսով արտահանման արգելք կսահմանվի
ԵՄ-ն Ռուսաստանի դեմ նոր պատժամիջոցներ կսահմանի
ՊԵԿ-ը պարզաբանում է տարածել (տեսանյութ)
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
Ոչ սթափ ղեկին մի նստի՛ր (տեսանյութ)
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն
Հաղթենք դիաբետը միասին
Այս երկու կազմակերպություններին անդամակցելը անհամատեղելի է