ԵՄ-ն պատրաստակամ է աջակցել Հայաստանում տեղի ունենալիք ընտրությունների կազմակերպմանը և դրանց մոնիթորինգին
Եվրամիությունը կոչ է արել Ղարաբաղյան հակամարտության բոլոր կողմերին խնդրի կարգավորման շրջանակում ԵԱՀԿ Մինսկի խմբի համանախագահների հովանու ներքո, առանց նախապայմանների լիարժեք մասնակցել բանակցություններին: Այդ մասին հայտնել է ԵՄ դիվանագիտական ծառայությունը՝ Հայաստանի վարչապետ Նիկոլ Փաշինյանի և Եվրոպական հանձնաժողովի փոխնախագահ, արտաքին հարաբերությունների և անվտանգության քաղաքականության հարցերով բարձր ներկայացուցիչ Ֆեդերիկա Մոգերինիի հանդիպումից հետո:
ԵՄ դիվանագիտության ղեկավարը հանդիպման ընթացքում հաստատել է աջակցությունը Լեռնային Ղարաբաղի հակամարտության խաղաղ կարգավորմանը:
«Այդ համատեքստում չափազանց կարևոր է, որ կողմերը լիարժեք մասնակցեն բանակցություններին՝ առանց նախապայմանների՝ Մինսկի խմբի համանախագահների հովանու ներքո»,- նշված է հայտարարությունում:
Ինչպես նշվում է հաղորդագրությունում, հանդիպմանը քննարկվել են վերջին զարգացումները և ընդգծվել է ԵՄ-Հայաստան երկկողմ հարաբերություններում առաջընթացը:
ԵՄ-ն նաև պատրաստակամություն է հայտնել աջակցել Հայաստանում հաջորդ ընտրությունների կազմակերպմանը և դրանց մոնիթորինգին:
«Կողմերը քննարկել են բարեփոխումների վերաբերյալ Հայաստանի նոր կառավարության հստակ հանձնառությունը և այդ նպատակով արդեն ձեռնարկված կոնկրետ գործողությունները: Մոգերինին հաստատել է, որ Եվրամիությունը պատրաստ է կոնկրետ աջակցություն տրամադրել բարեփոխումներին, այդ թվում՝ տեխնիկական և ֆինանսական օգնության տրամադրման միջոցով, և ընդգծել է կոռուպցիայի դեմ պայքարի և դատական բարեփոխման կարևորությունը»,- ասված է ԵՄ դիվանագիտական ծառայության հաղորդագրությունում:
«Արտաքին քաղաքականության հարցերով բարձր ներկայացուցիչը նաև ընդգծել է ԵՄ-ի պատրաստակամությունը կազմակերպման և մոնիթորինգի հետ կապված աջակցություն տրամադրել հաջորդ ընտրությունների ժամանակ, որոնք պետք է անցկացվեն ԵԱՀԿ/ԺՀՄԻԳ առաջարկների համաձայն»,- հայտնել է դիվանագիտական ծառայությունը::


















































Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
2027 թվականի հունվարի 2-ից սիգի ձկնկիթի՝ 6 ամսով արտահանման արգելք կսահմանվի
ԵՄ-ն Ռուսաստանի դեմ նոր պատժամիջոցներ կսահմանի
ՊԵԿ-ը պարզաբանում է տարածել (տեսանյութ)
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
Ոչ սթափ ղեկին մի նստի՛ր (տեսանյութ)
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն
Հաղթենք դիաբետը միասին
Այս երկու կազմակերպություններին անդամակցելը անհամատեղելի է