Հանրությունը վրդովված է գիշատիչ թռչնի սպանության հերթական դեպքով (Լուսանկարներ)
Կենդանիների հայ պաշտպանները եւ ինտերնետ հանրությունը վրդովված են գիշատիչ թռչնի սպանության հերթական դեպքով:
Facebook-ում լուսանկարների հերթական շարքն է հայտնվել, որոնցում ոմն Արգիշտ Գեղամյան կեցվածք է ընդունում սպանված շամբաճուռակի հետ: Նրա էջում այս լուսանկարն արդեն չկա, սակայն համացանցի վրդովված օգտատերերը բազմաթիվ պատճեններ են տեղադրել: Երիտասարդի էջում «թույն մեքենաների», մերկ մարմինների, այդ թվում՝ վարչապետի կրծքին պատկերված, բազմաթիվ լուսանկարներ կան, նաեւ տարօրինակ բովանդակության բազմաթիվ լուսանկարներ, որոնց թվում ուշագրավ են թմրանյութեր քարոզողները:
Թռչնաբանության պրոֆեսոր Կարեն Աղաբաբյանի խոսքով՝ սովորական շամբաճուռակը Կարմիր գիրք չի մտած, սակայն սպանության համար տուգանք է նախատեսված: Ցանկանում եմ հուսալ, որ իրավապահ մարմինները կպարզեն թռչնի սպանության հանգամանքները, եւ եթե մեղավորներ կան, նրանք օրենքի ամբողջ խստությամբ պատասխանատվություն կկրեն:
Նշենք, որ սա գիշատիչ թռչուններին կրակելու ամենեւին էլ առաջին դեպքը չէ: Անպատժելիության վառ օրինակն է Շենավանի գյուղապետ Արթուր Մկրտչյանը, որի լուսանկարները սպանված սպիտակագլուխ գորշանգղի հետ հարուցեցին հայ հանրության վրդովմունքը:
Ռազմական ոստիկանության աշխատակիցները, հակառակը, հայտնաբերելով վիրավոր սպիտակագլուխ գորշանգղին, կազմակերպել էին տուժած թռչնին Երեւան հասցնելը՝ բուժելու համար:


















































Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
2027 թվականի հունվարի 2-ից սիգի ձկնկիթի՝ 6 ամսով արտահանման արգելք կսահմանվի
ԵՄ-ն Ռուսաստանի դեմ նոր պատժամիջոցներ կսահմանի
ՊԵԿ-ը պարզաբանում է տարածել (տեսանյութ)
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
Ոչ սթափ ղեկին մի նստի՛ր (տեսանյութ)
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն
Հաղթենք դիաբետը միասին
Այս երկու կազմակերպություններին անդամակցելը անհամատեղելի է