Սպասեք բացահայտումների քաղաքապետարաններում, Էներգետիկայի եւ Սփյուռքի նախարարություններում. Սանասարյան
Պետական գնումների վերաբերյալ վերահսկողությունը հերթականությամբ իրականացնում ենք։ Այս մասին այսօր՝ հուլիսի 10-ին լրագրողների հետ զրույցում նշեց Պետական վերահսկողական ծառայության պետ Դավիթ Սանասարյանը՝ անդրադառնալով գնումների ոլորտում չարաշահումների հնարավոր բացահայտումներին։
Նրա խոսքով, միանգամից հնարավոր չէ բացահայտել, բացահայտումները գործընթաց է պահանջում. «Մենք նոր ենք սկսել, մի շաբաթ է՝ ինչ սկսել ենք մեր գործունեությունը»։
Սանասարյանը նշեց, որ իրեն բավականին բարդ աշխատանք է բաժին հասել. «Բավականին տաժանակիր աշխատանք է, որովհետեւ գործ ունենք թվերի, խառը իրավիճակների հետ»։
Պետական վերահսկողական ծառայության պետը շեշտեց, որ իրենց կառույցը վերահսկողությունից զատ իրականցնում է կանխարգելիչ գործառույթ. «Արդեն շատերը, ովքեր նախկինում այս կամ այն չարաշահումն արել են, հիմա չեն անի, որովհետեւ գիտեն՝ այդ թվում Պետական վերահսկողական ծառայությունը կայցելի իրենց»։
Հարցին, թե առաջիկայում որտեղ սպասեն բացահայտումների, նա նշեց. «Առաջիկայում սպասեք քաղաքապետարաններում, Էներգետիկայի եւ Սփյուռքի նախարարություններում»։
Սանասարյանը իր խոսքում հավաստիացրեց, որ իրենք իրենց գործն անում են. «Մենք քնած չենք, մեր գործը անում ենք։ Այսօր, օրինակ, դատախազություն եմ ուղարկելու ԲԵՑ–ի հետ կապված մի գողության դեպք, որը նախաձեռնեցինք եւ գտանք գողացված տրանսֆորմատոր, մեծ արժողությամբ՝ միլիոնների մասին է խոսքը»։


















































Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
2027 թվականի հունվարի 2-ից սիգի ձկնկիթի՝ 6 ամսով արտահանման արգելք կսահմանվի
ԵՄ-ն Ռուսաստանի դեմ նոր պատժամիջոցներ կսահմանի
ՊԵԿ-ը պարզաբանում է տարածել (տեսանյութ)
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
Ոչ սթափ ղեկին մի նստի՛ր (տեսանյութ)
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն
Հաղթենք դիաբետը միասին
Այս երկու կազմակերպություններին անդամակցելը անհամատեղելի է