Ալեքսանդր Սարգսյանը ԱԱԾ-ում հարցաքննությունից հետո ազատ է արձակվել
Հայաստանի երրորդ նախագահի եղբայր Ալեքսանդր Սարգսյանը երեկ ուշ երեկոյան Ազգային անվտանգության ծառայությունում հարցաքննվելուց հետո ազատ է արձակվել, «Ազատությանը» տեղեկացրեց ԱԱԾ խոսնակ Սամսոն Գալստյանը:
Հուլիսի 4-ին Ազգային անվտանգության ծառայությունը շուրջ ինը ժամ խուզարկել էր Սարգսյանների բնակարանը, որը գտնվում է Երևանի Թումանյան 11 հասցեում, ինչից հետո՝ ուշ երեկոյան, Ալեքսանդր Սարգսյանը, բերման էր ենթարկվել ԱԱԾ:
Արդեն այսօր ԱԱԾ տարածած հաղորդագրությունում նշվում է, որ Ալեքսանդր Սարգսյանը հարցաքննվել է որդու՝ Նարեկ Սարգսյանի կողմից Մարտիրոս Սարգսյանի 14 գծանկարների հափշտակության վերաբերյալ մեղադրանքների կապակցությամբ:
«Խուզարկության ընթացքում Նարեկ Սարգսյանի հայրը՝ Ալեքսանդր Սարգսյանը, հայտնել է, թե իբր նկարները գնվել են իր կողմից: Նա ՀՀ ԱԱԾ քննչական վարչությունում հարցաքննվել է գործարքի հանգամանքների շուրջ: Բացի այդ, առերես հարցաքննության է ենթարկվել հաղորդում տված անձի հետ, ով կրկին պնդել է, որ նկարները խաբեությամբ իրենից հափշտակել է Նարեկ Սարգսյանը», - ասված է ԱԱԾ հաղորդագրությունում:
Ապրիլին Հայաստանում տեղի ունեցած հեղափոխությունից հետո, որի հետևանքով նախկին նախագահ, վարչապետի պաշտոնը ստանձնած Սերժ Սարգսյանը զրկվեց իշխանությունից, վերջինիս եղբայրը՝ Ալեքսանդր Սարգսյանը, արդեն երկրորդ անգամ է հայտնվում իրավապահներ ուշադրության կենտրոնում: Հունիսի 25-ին ոստիկանությունը Սայաթ-Նովա փողոցից բերման ենթարկեց Ալեքսանդր Սարգսյանին՝ ապօրինի զենք կրելու կասկածանքով: Ժամեր անց ոստիկանությունը նրան ազատ արձակեց։
Նշենք, որ 62-ամյա Ալեքսանդր Սարգսյանը, ով ավելի հայտնի է Սաշիկ անունով, 2003-2011 թվականներին եղել է Ազգային ժողովի պատգամավոր, մամուլը նրա անունը կապում է բազմաթիվ բիզնեսների հետ:


















































Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
2027 թվականի հունվարի 2-ից սիգի ձկնկիթի՝ 6 ամսով արտահանման արգելք կսահմանվի
ԵՄ-ն Ռուսաստանի դեմ նոր պատժամիջոցներ կսահմանի
ՊԵԿ-ը պարզաբանում է տարածել (տեսանյութ)
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
Ոչ սթափ ղեկին մի նստի՛ր (տեսանյութ)
Հաղթենք դիաբետը միասին
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն
Շախմատիստ Նարե Իսախանյանը դարձել է Եվրոպայի փոխչեմպիոն