Հրաժարականներ Կոտայքի մի շարք համայնքներում
Կոտայքի մարզում հրաժարականները շարունակվում են: Նորանշանակ մարզպետի պաշտոնավարումից շուրջ մեկ ամիս անց հրաժարական ներկայացրեց Հրազդանի քաղաքապետը, հիմա էլ հերթը գյուղական համայնքների ղեկավարներինն է: Հրազդանի տարածաշրջանի Սոլակ համայնքի ղեկավար Բադալ Սարգսյանբ ավագանուն հրաժարականի դիմում է ներկայացրել, որն էլ արձանագրել է այն եւ, օրենքով սահմանված կարգով, ներկայացրել մարզպետին: Նշենք, որ Բադալ Սարգսյանը մարզի երկարակյաց գյուղապետերից էր:
Օրերս հրաժարականի դիմում է ներկայացրել նաեւ Արզական գյուղի վարչական ղեկավար Նորիկ Մովսեսյանը: Նա գյուղը ղեկավարում էր 2002 թվականից: Նախորդ տարվա նոյեմբերին խոշորացման ծրագրով գյուղը միացել է Չարենցավան համայնքին՝ դառնալով վարչական միավոր: Այստեղ բազմաթիվ խնդիրներ կան, որոնցից առաջնայինը խմելու եւ ոռոգման ջրի հարցն է: Հենց այդ առիթով էլ Կոտայքի մարզպետ Ռոմանոս Պետրոսյանը հունիսի 26-ին Արզականի բնակիչներին հանրային լսումների է հրավիրել:
Շարունակելով ցանկը՝ նշենք, որ հրաժարականի դիմում է ներկայացրել նաեւ Ակունք համայնքի Նոր գյուղ վարչական միավորի ղեկավար Գրիշա Թադեւոսյանը:
Վերադառնալով Հրազդանի քաղաքապետին. Արամ Դանիելյանի լիազորությունները դադարեցնելու համար հուլիսի 2-ին ավագանու արտահերթ նիստ է գումարվելու:
Ի դեպ՝ Կոտայքի մարզպետ Ռոմանոս Պետրոսյանը Հրազդանի քաղաքապետարանում ստուգումներ անցկացնելու համար դիմել է ՀՀ տարածքային կառավարման եւ զարգացման նախարար Սուրեն Պապիկյանին:


















































Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
2027 թվականի հունվարի 2-ից սիգի ձկնկիթի՝ 6 ամսով արտահանման արգելք կսահմանվի
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ՊԵԿ-ը պարզաբանում է տարածել (տեսանյութ)
ԵՄ-ն Ռուսաստանի դեմ նոր պատժամիջոցներ կսահմանի
Ոչ սթափ ղեկին մի նստի՛ր (տեսանյութ)
Հաղթենք դիաբետը միասին
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն
Այս երկու կազմակերպություններին անդամակցելը անհամատեղելի է