Միջուկային համաձայնագրի չեղարկումը շատ վտանգավոր հետևանքներ կունենա Իրանի համար

Իրանի արտգործնախարար Մոհամադ Ջավադ Զարիֆի խոսքով՝ Թեհրանի միջուկային ծրագրի շուրջ 2015 թվականին կնքված միջազգային համաձայնագրի չեղարկումը «շատ վտանգավոր հետևանքներ» կունենա իսլամական հանրապետության համար:

Զարիֆը նման հայտարարություն է արել երեկ իրանցի գործարարների հետ հանդիպման ժամանակ՝ առանց մանրամասնելու, թե որոնք են այդ վտանգավոր հետևանքները:

Երեք տարի առաջ ձեռք բերված համաձայնության արդյունքում, հիշեցնենք, միջազգային հանրությունը մասամբ թեթևացրեց Իրանի նկատմամբ պատժամիջոցները՝ պաշտոնական Թեհրանի միջուկային ծրագրի սահմանափակման դիմաց:

Այս տարվա մայիսի 8-ին, այդուհանդերձ, Միացյալ Նահանգների նախագահը հայտարարեց պայմանագրից դուրս գալու և Իրանի նկատմամբ սահմանած, բայց պայմանագրով սառեցված պատժամիջոցները «նոր թափով վերականգնելու» մասին:

Այս թեմայով Իրանը խոստացել է դուրս չգալ միջուկային ծրագրից Իրանը Եվրոպային 60 օր է տվել Եվրոպան Իրանին կոչ է անում պահպանել միջուկային համաձայնագիրը «Եվրոպան պետք է համոզի Իրանին մնալ միջուկային գործարքում». Մակրոն Իրանը նամակ է հղել «միջնորդ հնգյակին» և հայտնել իրանական միջուկային գործարքից մասամբ դուրս գալու մասին