Սվիտալսկին՝ արտահերթ ընտրությունների մասին. Պատրաստ ենք եւ կարող ենք աջակցություն տրամադրել
Ես դեռ ծանոթ չեմ Հայաստանի կառավարության ծրագրին, բայց համոզված եմ, որ բավական ուշադրությամբ այն կուսումնասիրենք: Այս մասին, այսօր՝ հունիսի 2-ին, Եվրոպայի օրվա առթիվ կայացած միջոցառման ժամանակ լրագրողների հետ զրույցում նշեց Հայաստանում ԵՄ պատվիրակության ղեկավար, դեսպան Պյոտր Սվիտալսկին:
Նա նշեց, որ կցանկանային, որ այն ծրագրային պլանները, որոնք ունեն Հայաստանում աջակցության տրամադրման տեսանկյունից, ամբողջությամբ համապատասխանեն ՀՀ կառավարության ծրագրին:
Ինչ վերաբերում է արտահերթ ընտրություններին, որի մասին հիշատակում կա ՀՀ կառավարության ծրագրում, Սվիտասկին ընդգծեց, որ Եվրամիությունը պատրաստ է աջակցություն տրամադրել դրա համար: «Միաժամանակ ուզում եմ նշել է, որ Գերմանիայի հետ միասին ԵՄ-ն անցած ընտրությունների ժամանակ տրամադրել է սարքավորումների համակարգը ստեղծելու համար անհրաժեշտ գումարի 90 տոկոսը: Համոզված եմ, որ այս անգամ ավելի շատ դոնորներ հետաքրքրված կլինեն այս նախաձեռնությանն աջակցություն տրամադրելու ուղղությամբ:
ՄԱԿ-ի զարգացման ծրագիրը Հայաստանում արդեն նախաձեռնողականորեն սկսել է անել նախապատրաստական աշխատանքները: Անցյալում ՄԱԿ-ի զարգացման ծրագիրը պատասխանատու է եղել ընտրական գործընթացում աջակցության տեխնիկական հատվածի ապահովման համար: Ես գիտեմ, որ նրանք միտված են այդ աջակցությունը տրամադրելուն: Շատ շուտով ակնկալվում է ՄԱԿ-ի զարգացման ծրագրի կողմից տեխնիկատնտեսական ուսումնասիրության համար առանձին առաքելություն կգա Երեւան»:
Սվիտալսկիի խոսքով, փորձագետները պետք է ուսումնասիրեն գոյություն ունեցող համակարգի հետագա բարելավման հնարավորությունը. «Միջազգային համայնքը պատրաստ է եւ կարող է աջակցություն տրամադրել, բայց իհարկե արտահերթ ընտրությունների անցկացման ձեւն ու ժամանակը պետք է որոշի ՀՀ քաղաքական էլիտան»:


















































Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
2027 թվականի հունվարի 2-ից սիգի ձկնկիթի՝ 6 ամսով արտահանման արգելք կսահմանվի
ԵՄ-ն Ռուսաստանի դեմ նոր պատժամիջոցներ կսահմանի
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ՊԵԿ-ը պարզաբանում է տարածել (տեսանյութ)
Հաղթենք դիաբետը միասին
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն
Ոչ սթափ ղեկին մի նստի՛ր (տեսանյութ)
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...