Պիստն իմ ընկերն է, բայց ճշմարտությունն ավելի թանկ է
Պիստը իմ մտերիմն է, մանկության ընկերն է, բայց նա բռնության որևէ գործողության չի մասնակցել: Այս մասին այսօր՝ մայիսի 30-ին, Երևանի քաղաքապետարանում լրագրողների հետ զրույցում ասաց Էրեբունի վարչական շրջանի ղեկավար Դավիթ Գրիգորյանը՝ անդրադառնալով «Պիստ» մականունով հայտնի Արմեն Իսրայելյանի գործողություններին:
«Պիստը իմ մտերիմն է, մանկության ընկերն է, բայց նա բռնության որևէ գործողության չի մասնակցել, եթե մասնակցել է, նա պատասխան կտա: Ես Ձեր ասած ոչ մի դեպքի չեմ տիրապետում և դա իրավապահ մարմինների գործն է: Էրեբունի թաղամասում 100 հազարից ավելի մարդ է ապրում և չեմ կարող պատասխան տալ բոլորի համար»,- ասաց թաղապետը:
Հիշեցնենք, որ ապրիլի 22-ին Նոր-Արեշի Էրեբունի և 26-րդ փողոցների խաչմերուկում դիմակավորված քաղաքացիական հագուստով անձինք մահակներով ու քարերով ոստիկանների աչքի առաջ հարձակվել են խաղաղ անհնազանդության գործողություններ իրականացնող մասնակիցների վրա, բռնություն կիրառել ցուցարարների նկատմամբ, հայհոյել ու էլեկտրահարել նրանց:
Լուրեր Հայաստանից - NEWS.am