«Ուղեղլվա»․ Մաս 5․ Ցույց տվեց անկողինը, կիսադատարկ սառնարանը, զուգարանը ու ասաց, թե երբ կգնա

«Ուղեղլվա» շարքի ներքո, Yerevan.Today-ը շարունակում է ներկայացնել Նիկոլ Փաշինյանի՝ «հեղափոխությունից» հետո ունեցած ելույթներից հատվածներ, որոնք պարունակում են խոստումներ հանրությանը, ոգևորիչ խոսքեր և որոնց, իրականում, խաբվել է քաղաքացին։

Ներկայացվող տեսանյութը 2018թ․ մայիսի 11-ի ուղիղ եթերներից է․ այդ օրը նա երկու անգամ ուղիղ եթեր մտավ։ Դրանցից մեկով ներկայացրեց վարչապետի աշխատասենյակը՝ կառավարության շենքում, ասաց, որ այն շատ ավելի լավն է, քան Բաղրամյան 26-ի աշխատասենյակը, ցուց տվեց հանգստի սենյակը, անկողինը, զուգարանը, սառնարանը, չհրկիզվող պաարանները և այլն։

Երկրորդ ուղիղ եթերը արդեն երեկոյան տեղի ունեցավ, որի ժամանակ էլ խոսեց կադրային նշանակումներից, ոստիկանության ու արդարադատության մասին իր պատկերացումներից և էլի ինչ-որ բաներ ասաց։

Մասնավորապես․

«Ես կարևոր եմ համարում, որ բոլոր որոշումների դրդապատճառները լինեն հասկանալի։

Կարծում եմ, որ ամենաառաջնային խնդիրը, որ պետք է լուծենք ոստիկանությունում, կոռուպցիան արմատախիլ անելն է և կլանային առաջխաղացումները արմատախիլ անելը։

Հաշտության գաղափարը և համերաշխության գաղափարը շատ կարևոր եմ համարում։

Մենք, ըստ էության, հանում ենք ժողովրդի և ոստիկանության միջև եղած փշալարերը։

Ժողովուրդը պետք է համոզված լինի, որ ոստիկանությունը փոխվում է դեպի լավը, և ոստիկանությունը ոչ թե փոխվում է, այլ փոխվել է և ինքը պետք է լուծի կոնկրետ խնդիրներ։

Մարդու իրավունքների պաշտպանությունը ոստիկանության համար պետք է լինի առաջնահերթություն։

Կրիմինալ ակտիվությոնը պետք է հասնի նվազագույն մակարդակի։

Ոստիկանութունը պետք է վերջ տա արդկանց ամենուր և ամեն ինչում տուգանելու այդ մոլուցքին։

Մենք այսօր տեղափոխվում ենք օրենսդրությամբ սահմանված՝ վարչապետի պետական առանձնատուն, մի քանի նկատառումներով և դրանցից մեկը այն է, որ ՀՀ օրենսդրությամբ սահմանված է, որ վարչապետը պետք է ապրի այդ առանձնատոանը, և եթե այդ առանձնատունը դատարկ է մնում, կարող է զուտ սիմվոլի առումով ստացվել, թե ՀՀ-ում վարչապետ չկա։

Իմ ուղիղ եթերներում ցույց կտամ, թե ինչ է ներկայացնում իրենից այդ առանձնատունը, դուք պետք է իմանաք, թե ինչի համար եք վճարում, որովհետև այդ ամբողջ տարածքը պահվում է պետական բյուեի հաշվին։

Հաշվի առնելով մեր խանության լեգիտիմության բարձր աստիճանը, մենք պետք է կենտրոնանանք արդյունքների վրա, մենք պետք է գնահատենք կառավարության և պաշտոնյայի գործունեությունը ըստ կոնկրետ արդյունքների։

Ուզում եմ շատ հստակ ասել, որ այն պահին, երբ զգամ, որ չունեմ ժողովրդի աջակցությունը և լիազորությունը, այդ պահից ես չեմ մնա ոչ մի վայրկյան վարչապետի պաշտոնում, որովհետև ինձ համար ամենակարևորը ժողովրդի աջակցությունն է, և Երրորդ Հանրապետության պատմության մեջ ամենակարևոր խնդիրը սա եմ համարում»։

Մանրամասն՝ տեսանյութում։

Շարքը ամբողջությամբ՝ այստեղ։

Այս թեմայով Դեպրեսիան փոխում է ուղեղը. հետազոտություն