Ուկրաինայի պատվիրակությունը ժամանել է ՌԴ-ի հետ բանակցությունների անցկացման վայր

Ուկրաինայի պատվիրակությունը ուղղաթիռներով ժամանել է Բելառուս՝ ռուսական կողմի հետ բանակցությունների վայր։

Ավելի վաղ Բելառուսի ԱԳՆ-ն հայտնել էր, որ Ռուսաստանի և Ուկրաինայի միջև բանակցությունների հարթակը պատրաստ է։ Հանդիպումը կսկսվի, երբ երկու պատվիրակությունները ժամանեն բանակցությունների անցկացման վայր։

Ուկրաինայի պատվիրակության կազմում են «Ժողովրդի ծառա» խմբակցության նախագահ Դավիթ Արախամիան, Ուկրաինայի պաշտպանության նախարար Ալեքսեյ Ռեզնիկովը, նախագահի աշխատակազմի ղեկավարի խորհրդական Միխայիլ Պոդոլյակը, Եռակողմ շփման խմբում ուկրաինական պատվիրակության ղեկավարի առաջին տեղակալ Անդրեյ Կոստինը, պատգամավոր Ռուստեմ Ումերովը և Ուկրաինայի փոխարտգործնախարար Նիկոլայ Տոչիցկին:

Ըստ ուկրաինական կողմի, բանակցությունների առանցքային խնդիրը կրակի անհապաղ դադարեցումն է և զորքերի դուրսբերումը Ուկրաինայի տարածքից։

Ռուսական պատվիրակության ղեկավարը մշակույթի նախկին նախարար, ՌԴ նախագահի օգնական Վլադիմիր Մեդինսկին է։ Նա հայտարարել է, որ բարդ լոգիստիկայի պատճառով ուկրաինական պատվիրակության ժամանումը մի քանի անգամ հետաձգվել է։

Այս թեմայով Ուկրաինան առաջնագծում այժմ լճացման վիճակում է և բացառապես պաշտպանվում է. Զելենսկու գրասենյակ Կիևում հզոր պայթյուններ են գրանցվել Կիևում պայթյուններ են, Ուկրաինայում՝ օդային տագնապ Արեստովիչը խոստովանել է, որ ստել է ուկրաինացիներին ռազմաճակատներում տիրող իրավիճակի մասին ՆԱՏՕ-ի խաղաղապահների մուտքն Ուկրաինա ուղիղ բախման կհանգեցնի ՌԴ-ի և դաշինքի միջև. Լավրով