Պուտինը խոստովանել է, որ քիչ է քնում, եւ խորհուրդ է տվել իրենից օրինակ չվերցնել
ՌԴ նախագահ Վլադիմիր Պուտինը դպրոցականների հետ զրույցում ասել է, որ սովորաբար քնում է վեց ժամ, երբեմն՝ ավելի քիչ։ Բայց նրանց խորհուրդ է տվել իրենից օրինակ չվերցնել այս իմաստով, տեղեկացրել է ՏԱՍՍ-ը։
Թեման բարձրացվել է «Խոսակցություն կարեւորի մասին» բաց դասի ժամանակ, որը պետության ղեկավարն անցկացրել է Կիզիլի թիվ 20 դպրոցում։
«Ստելն անհարմար է, կասեմ ինչպես որ կա։ Բայց օրինակը լավը չէ,- ասել է Պուտինն ի պատասխան դպրոցականի այն հարցի, թե որքան է նա քնում, որպեսզի այդքան լավ վիճակում լինի։- Դու ինձանից այդ իմաստով օրինակ մի վերցրու։ Ես այսօր քնել եմ, ասենք, չորս ժամ։ Դա քիչ է։ Իսկ սովորաբար քնում եմ, դե, վեց ժամ»։
Ռուսաստանի նախագահը աշակերտին, որի հետ զրուցել է, կոչ է արել «նորմալ քնել, առնվազն ութ ժամ»։ «Ակտիվության լիքը հնարավորություններ ունես, տարբեր սպորտաձեւեր, ուստի պետք է լավ վիճակում լինես։ Ես էլ պետք է լավ վիճակում լինեմ։ Այն, որ ես այսօր քնել եմ ընդամենը չորս ժամ, իսկ սովորաբար քնում եմ վեց ժամ, այն պատճառով չէ, որ ես այդքան զբաղված մարդ եմ։ Այլ որովհետեւ չեմ կարող պատշաճ կերպով կազմակերպել իմ աշխատանքային օրը։ Ամեն մարդ պետք է քննադատաբար վերաբերվի այն ամենին, ինչ անում է, իրեն։ Եվ եզրակացություններ անել։ Ես կփորձեմ անել դա։ Քեզ էլ եմ խորհուրդ տալիս»,- ամփոփել է պետության ղեկավարը։
Ինչը տղամարդը երբեք չի ների կնոջը, նույնիսկ եթե սիրում է նրան
Կանխատեսվում են նորմայից բարձր ջերմաստիճաններ գրեթե բոլոր մայրցամաքային տարածքներում
«Հատիկ առ հատիկ»․ Փաշինյանը պետությանն է վերադարձել 152 հազար դրամ ընդհանուր արժեքով 4 գույք
Սատուրացիան հասել էր 50-ի․ Վիկտորյա Բոնյան Էվերեստի վրա մահվան եզրին էր
Հռոմի պապը վախճանից առաջ հաշվին ունեցած 200,000 եվրոն փոխանցել է հիփոթեքի մարմանը
«Հռոմի պապերի մարգարեությունը» կանխատեսում է, թե ով է դառնալու հաջորդ պոնտիֆիկոսը եւ... աշխարհի վերջ...
Լոլիտայի շոկային խոստովանությունը տղամարդկանց մասին
Բեյոնսեի ընտանիքում ողբերգական կորուստներ․ ինչ է տեղի ունեցել
Վատիկանի համալսարանը մեղադրվում է Ադրբեջանի կողմից հայ քրիստոնյաներին ոչնչացնելու ջանքերն օրինականաց...
Ինչ կասեք Ադրբեջանում գտնվող 23 հայ քաղբանտարկյալների մասին․ Ֆրանսիացի պատգամավորը՝ Կալլասին