Բաքուն Հայաստանին մեղադրել է սահմանները «չճանաչելու» մեջ
Ադրբեջանի ԱԳՆ մամուլի քարտուղար Այխան Հաջիզադեն արձագանքել է Հայաստանի արտգործնախարարության հայտարարությանը, որում Հայաստանի և Ֆրանսիայի միջև ռազմատեխնիկական համագործակցության վերաբերյալ Բաքվի արձագանքի առնչությամբ տարակուսանք է արտահայտվել։
«Մենք կտրականապես մերժում ենք Հայաստանի ԱԳՆ-ի 2024 թվականի հունիսի 19-ի հայտարարությունը, որն արդարացնում է այս երկրի սպառազինության ջանքերը», - նշել է Հաջիզադեն։
Նա Հայաստանին մեղադրում է միջազգային իրավունքի նորմերը և սկզբունքները 30 տարի շարունակ կոպտորեն խախտելու մեջ: Ըստ Հաջիզադեի՝ ՀՀ-ն խախտել է Ալմա-Աթայի հռչակագիրը, «ագրեսիա է իրականացրել Ադրբեջանի տարածքային ամբողջականության և ինքնիշխանության դեմ, շարունակել է հարևանների նկատմամբ իր տարածքային պահանջները և դադարեցրել իր ագրեսիվ գործողությունները հենց Ադրբեջանի ձեռնարկած քայլերի արդյունքում»։
Ադրբեջանի ԱԳՆ պաշտոնական ներկայացուցիչը նշում է, որ ավելի լավ կլիներ, եթե հայկական կողմը, վկայակոչելով 1991 թվականի սահմանների և Ալմա-Աթայի հռչակագրի հիման վրա տարածքային ամբողջականությունը, բացատրեր, թե ինչու չի հարգում այդ պայմանագրերը ավելի քան 30 տարի, հրաժարվում է ճանաչել խորհրդային քարտեզներում արտացոլված սահմանները։
Հաջիզադեն աբսուրդ է համարում, որ Հայաստանը, որը ոչ մի սահման չի ճանաչում, առանց սահմանազատման ներկայացնում է 30 տարի անց ադրբեջանական զինուժի գրաված դիրքերը որպես հայկական գյուղերի տարածք և Ադրբեջանին մեղադրում է բռնազավթման մեջ։
Միաժամանակ նա մեղադրանքներ է հնչեցրել նաև Ֆրանսիայի հասցեին՝ Հայաստանին մահաբեր հարձակողական զենքի մատակարարման համար, նշելով, որ Փարիզի այս քաղաքականությունը նպաստում է Հայաստանի կողմից հերթական հնարավոր ագրեսիային, խորհուրդ տալով զերծ մնալ այդ քայլերից, քանի դեռ ուշ չէ։
Հաջիզադեն նշում է, որ Հայաստանը շահագրգռված չէ տևական խաղաղությամբ և փորձում է միայն պահպանել այս իրավիճակը որպես հետադարձ տարբերակ՝ ապագայում Ադրբեջանի դեմ կրկին ագրեսիա սկսելու համար։
«Ադրբեջանի դեմ նման սադրանքների և քաղաքական շահարկումներով լի հայտարարությունների փոխարեն հայկական կողմը պետք է ոչ թե խոսքով, այլ գործով կատարի միջազգային պարտավորությունները և նպաստի խաղաղ գործընթացին»,- ասել է Ադրբեջանի ԱԳՆ ներկայացուցիչը՝ հավելելով, որ տարածաշրջանում նոր լարվածություն ստեղծելու և խաղաղությանն ու կայունությանը խոչընդոտող Հայաստանի քաղաքականությունը որևէ արդյունքի չի բերի։
Ըստ Հաջիզադեի՝ ՀՀ-ն բարոյական խաղաղ գործընթացում ադրբեջանական կողմի անկեղծությանը կասկածելու ոչ մի հիմք չունի։
Սեւ հագուստով պատգամավոր փնտրող Քյարամյանը
Ինչո՞ւ էր Քյարամյանը Լևոն Քոչարյանի հետ խոսում հարգանքով, Աղազարյանի հետ՝ քամահրանքով
Հայաստանում խորհրդարանական ընտրություններ լինելու դեպքում հարցվածները հիմնականում կընտրեին ՔՊ-ին, ԲՀ...
Էլ գող փիսո, էլ քաչալ շուն. Քյարամյան-Քոչարյան-Աղազարյան թեժ վեճ
Արգիշտի Քյարամյանին պաշտոնանկ անելու գործընթաց կսկսվի
Աղազարյանը Քյարամյանին՝ հո հավայի չեմ ասում
Անդրանիկ Քոչարյանն այնպես է գոռգոռացել, որ անգամ միջանցքներում է լսելի եղել
Հայկ Դեմոյանն առաջարկում է բերման ենթարկել ԿԳՄՍ նախարարին, Հարություն Մարությանին, Հրանուշ և Լուսինե...
Հայտնի է, թե ինչն է եղել ԱԺ շենքում նախկին պատգամավորի ու անվտանգության աշխատակիցների միջև տեղի ունե...
Փորձում են իրականացնել պլան Բ-ն․ Ի՞նչ կա Անդրանիկ Քոչարյանի մտքին․ «Կարճ ասած»