Կառավարության խիստ վտանգավոր խաղերը
Երբ Արայիկ Հարոությունյանը քահանային դուրս հրավիրեց դպրոցից, շատերը դեռ չէին հասկանում, թե ինչ է կատարվում եւ որն է այս սուպերնախարարի բուն նպատակը։ Անգամ, երբ նա հայտարարեց, որ դպրոցներից պետք է հանվի Հայ եկեղեցու պատմության առարկան, կրկին շատերը չէին հասկանում, թե ուր է գնում կառավարությունը։
Ի դեպ, երբ թափթփուկները քաշքշում էին Հայ Առաքելական Եկեղեցու կաթողիկոսին, փորձում խանգարել պատարագները, Արայիկ Հարությունյանի եւ կառավարության անդամների մտքով իսկ չէր անցնում դատապարտվել կատարվածը։
Ինչ դատապարտեին, եթե նրանք ցանկանում են այս կամ այն հնարքով, բնականաբար բարի մտադրություններով փաթեթավորված, Հայ Առաքելական Եկեղեցին հավասարեցնել ինչ-որ աղանդների հետ։
Հիմա, երբ արդեն ԿԳՍՄ սուպերնախարար Արայիկ Հարությունյանը նայելով լրագրողների, հայ ժողովրդի աչքերին բառացի հայտարարում է, թե այսուհետ սատանիզմի հիմքով Հայաստանում համերգներ չեն չեղարկվելու, պետք է որ բոլորը հասկանան, թե ինչ է մեր ժողովրդից ուզում այս կառավարությունը։
Նիկոլ Փաշինյանը այս հայտարարությունից հետո ոչ միայն պաշտոնանկ չի արել Հայաստանի պատմության մեջ ամենաանհաջող նախարարին, այլ անգամ չի դատապարտել նրա ասածը։ Չի դատապարտել, պաշտոնանկ չի արել, նշանակում է ամբողջովին կիսում է նրա մոտեցումները։
Հիմա գոնե հայ ժողովուրդը, Հայաստանի քաղաքացիները հասկացան, թե ում հետ գործ ունեն։ Կարծում ենք, որ արդեն իսկ պետք է հասկանան։
Իսկ երբ սուպերնախարարն ասում է, թե որեւէ հիմքով համերգներ չպետք է չեղարկվեն, ապա շուտով կարող է համերգ լինել, որի մասնակիցները կոչ անեն Արցախն ու Սյունիքւը հանձնել Ադրբեջանին, հետո մի համույթ կոչ կանի Լոռին հանձնել Վրաստանին, իսկ հետո մի համույթ էլ կոչ կանի մորթել ծնողներին եւ ապրել ազատ ու անկաշկանդ։
Սա է այն ամենն, ինչ ուզում է Արայիկ Հարությունյանն ու կառավարությունը։ Ժամանակն է, որ Հայ Առաքելական Եկեղեցին, Հայաստանում գործող մյուս եկեղեցիները բարձրաձայն արտահայտվեն նախարարի հայտարարության կապակցությամբ, թե չէ վաղն արդեն շատ ուշ կլինի։
Հիմա որ արդեն բոլորի համար պարզ պետք է լինի, թե ինչու էին քաշքշում կաթողիկոսին, խանգարում պատարագները, դպրոցներից հանում կրոնի պատմության առարկան, եւ ինչու էին նախարար նշանակում Արայիկ Հարությունյանին։
Վարդան Մխիթարյան
Top-News.am
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան