Ի՞նչ տեղի ունեցավ հաջորդ օրը՝ բոլորդ իմացաք. մեկը քեֆ էր անում, մյուսը՝ ճոխ միջոցառում եւ այլն. Սոֆյա Հովսեփյան
Սոցիալական ՀԵՌԱՎՈՐՈՒԹՅՈՒՆ, թե ՞ սոցիալական ՕՏԱՐՈՒՄ: Այս մասին Facebook-ի իր էջում գրել է ԱԺ «Իմ քայլը» խմբակցության պատգամավոր Սոֆյա Հովսեփյանը:
Նա, մասնավորապես, նշել է. «Անդրադարձ կրթության կազմակերպմանը:
Գաղտնիք չէ , որ մենք ունենք լուրջ խնդիր կրթության կազմակերպման առումով , քանի որ դպրոցները մշտապես զրկված են եղել ինքնուրույնությունից. տնօրենները , մասնագետները եւ մնացած բոլոր օղակները՝ կրթության կազմակերպողները , առավել շատ մտածել են՝ ինչպես անեն , որ չսխալվեն ու ստուգումների ժամանակ կանոնները ճիշտ պահեն, քան թե երեխայի «լավագույն շահը» դիտարկեն եւ կազմակերպեն այնպես, որ կանոնն էլ պահվի, եւ երեխան ՝ սանը, չտուժի այդ ամենի արանքում:
Գաղտնիք չէ նաեւ , որ դպրոցները մշտապես բողոքել են այն բանից, որ իրենց չեն տալիս այդ ազատությունը, որ ինքնուրույն տնօրինեն, կառավարեն, կազմակերպեն, քանի որ ՊՈԱԿ են, եւ օրենքն ու տրամաբանությունը դա են թելադրում:
Բայց...
Այսօր, թեեւ ոչ անթերի (երբեմն անտրամաբանական), բայց որոշումները ուղարկվում են դպրոց, եւ կազմակերպումը թողնում տնօրենների հայեցողությանը: Տնօրեններն էլ կազմակերպում են այնպես, ինչպես որ պատկերացնում են:
Այս մեկուկես տարին լավագույն թեստավորումն էր հասկանալու համար, թե ո՞ր տնօրենն է կարողանում լինել կազմակերպիչ, եւ որը՝ ոչ: ( Ապացույցներից հերթականը երեկ հրապարակված լուսանկարներն են մի քանի դպրոցներից):
Հիմա շատ բարդ իրավիճակ է իմ դիտարկմամբ, որ ո՛չ ազատությունն է մի բան, ո՛չ էլ գերվերահսկողությունը, քանի դեռ մենք սերնդափոխության չենք գնացել թե՛ տնօրենների, թե՛ ուսուցիչների առումով:
2020թ. մայիսին մի բողոք ստացա Երեւանի դպրոցներից մեկի մասին եւ այդ բողոքը բնականաբար ուղարկեցի ԿԳՄՍ նախարարին: Նախարարը կարդալուց հետո տեղեկացրեց, որ մի քանի օր առաջ մի դպրոցի կողքից անցնելուց ականատես է եղել դասագրքերի հանձմանը, որը շատ պատշաճ կազմակերպված է եղել եւ նույնը տեղեկացրել են իրենց այլ դպրոցների մասով: Բնականաբար չառարկեցի, բայց առաջարկեցի ուշադիր լինել, քանի որ վերոնշածս ունեի աչքիս առաջ, եւ ստացա համաձայնություն, որ անպայման ուշադիր կլինեն:
Ի՞նչ տեղի ունեցավ հաջորդ օրը՝ բոլորդ իմացաք. մեկը քեֆ էր անում, մյուսը ճոխ միջոցառում եւ այլն:
Որպես կանոն ես չեմ մեղադրում դպրոցներին, քանի որ, այո՛, իրենց սովորեցնել է պետք, իսկ երբ դրանից հետո կրկնում են, ապա լինել շատ խիստ:
Բայց ...
Սխալ է իմ մոտեցումն էլ, քանի որ կառավարողը պարտավոր է ունենալ համապատասխան հմտություններ, երբ հավակնում է ստանձնել այս կամ այն հաստատության կառավարումը:
Այսքան երկար - բարակ գրելուս իմաստն այն է, որ խնդրեմ, առաջարկեմ, պահանջեմ կրթության կազմակերպման պատասխանատուներին, բոլոր մանկավարժներին, կրթության փորձագետներին՝ այն, ինչ անում եք, միշտ աչքի առաջ ունեցեք երեխայի հոգեբանությունը, տարիքային առանձնահատկությունը, երեխայի հույզերը, երեխայի ֆիզիկական առողջությունը, մտավոր եւ հոգեւոր առողջությունը եւ այլն:
Հիշե՛ք, որ այն, ինչ այսօր «կոտրեցինք», վաղը անհետք չի սոսնձվելու:
ՍՈՑԻԱԼԱԿԱՆ ՀԵՌԱՎՈՐՈՒԹՅՈՒՆԸ առողջության պահպանման հարց է լուծում, այն չշփոթե՛ք ՍՈՑԻԱԼԱԿԱՆ ՕՏԱՐՄԱՆ հետ»:
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Լրատվամիջոցների ու լրագրողների իրավունքների խախտումների թիվը նվազել է
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ուկրաինան կարող է ստիպված լինել հաշտվել իր տարածքի մի մասի կորստի հետ