Ռուսաստանը Պորոշենկոյի դեմ պատժամիջոցներ է սահմանել

ՌԴ կառավարությունն ընդլայնել է այն անձանց ցանկը, որոնց նկատմամբ հատուկ տնտեսական պատժամիջոցներ են կիրառվում, հայտնում է ՏԱՍՍ գործակալությունը՝ մանրամասնելով, որ ցանկում է ներառվել նաև Ուկրաինայի նախկին նախագահ Պյոտր Պորոշենկոն:

Նախկին ղեկավարից բացի պատժամիջոցների «սև ցուցակում» են հայտնվել նաև «Օկեան Էլզի» ռոք խմբի մենակատար, ուկրաինական «Գոլոս» կուսակցության նախկին առաջնորդ Սվյատոսլավ Վակարչուկը:

Ընդհանուր առմամբ, ցանկում ներառված է 41 մարդ, որոնց՝ ՌԴ տարածքում գտնվող անկանխիկ գումարային միջոցները, չթղթավորված արժեթղթերն ու գույքը սառեցվում և արգելափակվում են:

Նշվում է, որ հիշյալ ցանկը ստեղծվել է 2018թ. հոկտեմբերի 22-ին՝ ՌԴ նախագահ Վլադիմիր Պուտինի՝ «ՌԴ իրավաբանական անձանց և քաղաքացիների նկատմամբ Ուկրաինայի կողմից ոչ բարեկամական գործողություններով պայմանավորված՝ հատուկ տնտեսական միջոցների կիրառման մասին» հրամանագրով:

Այս թեմայով Ռադայում Պորոշենկոյի կողմնակցի բերանը փորձել են փակել բժշկական դիմակով (տեսանյութ) Հարցաքննության նախօրեին Պորոշենկոն փախել է Ուկրաինայից Պորոշենկոն հայտնել է ուղիղ եթերում ստի դետեկտոր անցնելու պատրաստակամության մասին Պորոշենկոն վերադարձել է Ուկրաինա (տեսանյութ) Պորոշենկոն Վրաստանը վերանվանել է Սաքարթվելո