«Սասնա ծռեր»-ի գործով նիստին փաստաբաններն ինքնաբացարկի միջնորդություն ներկայացրեցին նախագահող դատավորին

«Սասնա ծռեր»-ի 14 մեղադրյալների գործով դատական նիստի ժամանակ այսօր փաստաբաններն ինքնաբացարկի միջնորդություն ներկայացրեցին գործը նախագահող դատավոր Արտուշ Գաբրիելյանին։

Արա Ղարագյոզյանը հայտարարեց, որ Գաբրիելյանը չի կարող այս գործով իրականացնել արդարադատություն և այդ աթոռը պետք է շուտափույթ լքի։

«Դուք պաշտպանական կողմին մեղադրում եք դատական նիստերն անհարգի միջամտելու կամ ձգձգելու մեջ, սակայն, դա նախագահող դատավորն է կատարում, և երբ որ իմ կոլեգաները հայտարարություն էին կատարում, Դուք բորբոքվեցիք և մի ժամ ընդմիջում հայտարարեցիք։ Այդ ընդմիջում հայտարարելու իմաստը պաշտպանական կողմը չի տեսնում և պաշտպանական կողմի մոտ կարծիք է ձևավորվում, որ նախագահող դատավորը չի ցանկանում, որ դատական նիստերը շարունակվեն», - ասաց Ղարագյոզյանը։

Փաստաբանը դատավորին հիշեցրեց վարքագծի կանոնները. - «Դատավորը պետք է լինի համբերատար և պետք է ցուցաբերի զսպվածություն, այս դեպքում Դուք պարբերաբար հունից դուրս եք գալիս, Ձեր ձայնը բարձրացնում եք, և սա հիմք է տալիս, որ, հարգելի դատարան, Դուք իրապես չեք կարող այս գործով իրականացնել արդարադատություն և այդ աթոռը պետք է շուտափույթ լքեք և պետք է այլ դատավոր գա, քանի որ Դուք չեք կարող իրականացնել արդարադատություն։ Միանում եմ ինքնաբացարկի միջնորդությանը և Ձեզ հայտնում եմ ինքնաբացարկ», - հայտարարեց Ղարագյոզյանը։

Դատարանը 30 րոպեով հեռացավ խորհրդակցական սենյակ։

Մանրամասներն՝ ավելի ուշ

azatutyun.am

Այս թեմայով Դատավորը որոշեց սանկցիա կիրառել Լուսինե Սահակյանի նկատմամբ, նիստն ընդմիջվեց «Վրեժխնդրություն լինելու է». Արայիկ Խանդոյանի խոշտանգման մասին հայտարարություն «Սասնա ծռեր»-ի անդամներին ծեծի ենթարկելու ահազանգերով ՄԻՊ ներկայացուցիչներն այցեր են ՔԿՀ