«Շիկահող» պետական արգելոցի որևէ հողակտոր չի վաճառվել․ Շրջակա միջավայրի նախարարություն
Շրջակա միջավայրի նախարարությունից հայտնում են, որ անհայտ ծագման տելեգրամյան ալիքներից մեկում տարածված այն տեղեկատվությունը, ըստ որի՝ Հայաստանի Հանրապետությունը վաճառել է «Շիկահող» պետական արգելոցի վերջին հողակտորը, չի համապատասխանում իրականությանը և հանդիսանում է ապատեղեկատվություն։
«Շրջակա միջավայրի նախարարության «Զանգեզուր» կենսոլորտային համալիր» ՊՈԱԿ-ի կազմում գտնվող «Շիկահող» պետական արգելոցից որևէ հողակտոր երբևէ չի օտարվել։
Հորդորում ենք զանգվածային լրատվության միջոցներին առաջնորդվել բացառապես պաշտոնական և հավաստի աղբյուրներով, զերծ մնալ չստուգված տեղեկությունների տարածումից և հրապարակումներից առաջ դիմել իրավասու պետական մարմիններին՝ համապատասխան պարզաբանումներ ստանալու նպատակով։
Միաժամանակ կոչ ենք անում հանրությանը չտրվել ապատեղեկատվությանը և վստահել միայն պաշտոնական հաղորդագրություններին։
Շրջակա միջավայրի նախարարությունը շարունակելու է իր լիազորությունների շրջանակում հետևողականորեն ապահովել բնության հատուկ պահպանվող տարածքների պահպանությունն ու անխախտությունը՝ Հայաստանի Հանրապետության օրենսդրությանը համապատասխան»,- ասված է նախարարության ֆեյսբուքի էջում արված պարզաբանման մեջ։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Առանց ռուսական նավթի, երբ մոտ է վառելիքի գլոբալ դեֆիցիտը
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Էնցո Ֆերնանդեսը ցանկանում է հեռանալ Չելսիից
Մենք ուզում ենք, որ դուք օր առաջ տնավորվեք ՀՀ-ում
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Ամբերդ ամրոց և Քարի լիճ տանող ավտոճանապարհները փակ են