Տոնը սեփականաշնորհելու արատավոր ավանդույթը
Ազգային ժողովի «Լուսավոր Հայաստան» խմբակցության քարտուղար Գևորգ Գորգիսյանը ֆեյսբուքյան իր էջում գրել է․
«Տոնը սեփականաշնորհելու արատավոր ավանդույթը
Քսանինը տարի առաջ այս օրը՝ 1991 թ. սեպտեմբերի 2-ին, Լեռնային Ղարաբաղի մարզային և Շահումյանի շրջանային խորհուրդների համատեղ նիստում ընդունվեց Լեռնային Ղարաբաղի Հանրապետության կազմավորման հռչակագիրը, ինչը համապատասխանում էր թե՛ ԽՍՀՄ օրենսդրական նորմերին, թե՛ միջազգային իրավական փաստաթղթերում ամրագրված ժողովրդի ինքնորոշման իրավունքին: Հետո, իհարկե, ողջ հայությունը ստիպված եղավ զենքով պաշտպանել Արցախի հայության անկախ և խաղաղ ապրելու իրավունքը: Արցախյան գոյամարտը պսակվեց հաջողությամբ, որովհետև ողջ հայությունը համախմբվեց ու ոչինչ չխնայվեց Արցախը պահելու համար:
Արցախյան պատերազմի հաղթանակը բերեց հոգեվիճակի փոփոխության. մենք սգացողից դարձանք հաղթող: Եվ այսօր էլ, այդ հաղթական ոգին ապրում է ամեն հայի և առավել ևս՝ ամեն արցախցու մեջ:
Սակայն հաղթական իրադարձություններից հետո Հայաստանի Հանրապետությունում դեպքերն այնպես զարգացան, որ հեղափոխությամբ իշխանության եկան մարդիկ, ովքեր չգիտեն՝ ինչ է պետությունը, չգիտեն՝ ինչ է պետականությունը, չեն հասկանում, որ գոյություն ունեն ազգային ու վերկուսակցական հարցեր, արժեքներ ու գաղափարներ, որոնց շուրջ համախմբվել ենք ու պիտի շարունակենք համախմբվել բոլորս: Ու հենց այդ համախմբվելու կարողությունն է եղել մեր բոլոր հաղթանակների գրավականը: Այս մարդիկ, արդեն երկու տարի հանրությանը մասնատելով, թուլացնում են մեր հետագա հաղթանակների հիմքերը: Սեփականաշնորհելով մեր բոլոր հաղթանակներն ու տոները՝ իրենց նույնականացնում են պետության և ժողովրդի հետ:
Սա պիտի լինի ամենաբարձր ահազանգը հանրության համար՝ գիտակցելու, որ մենք գործ ունենք մենիշխանության ձգտող՝ նախկիններից ավելի բիրտ ուժի հետ:
Այո՛, ես պնդում եմ, որ նույնիսկ մենիշխանական նախկինները, այս աստիճան լկտի, սանձարձակ, ամբարտավան չէին: Մեզ դիկտատուրայի նոր ու ավելի ուժգին փուլ է սպասվում, բայց ցավոք, հանրության մի մասը պատրաստ է ինքնախաբեությամբ զբաղվել ու հավատալ, որ դեռ գալու են խոստացած պայծառ օրերը:
Ցավում եմ, որ այս կարևոր օրը ստիպված եմ անդրադառնալ այսքան դառը իրականությանը, բայց հենց այսպիսի օրերին ես հետահայաց նայում ու փորձում հասկանալ՝ ուր էինք, ինչ էինք երազում, բայց ուր հասանք և ուր են մեզ տանում:
Մեր երկիրն ու ժողովուրդը շատ ապիկար ղեկավարներ են տեսել, ու սա էլ կանցնի: Կարևորը, չնայած ամեն ինչին, մենք հիշենք, որ կան ազգային ու պետական արժեքներ, որ չեն ճանաչում կուսակցական պատկանելություն:
Ես խոստանում եմ, որ, չնայած մեզ բաժան-բաժան անելու դավադիր փորձերին, մեր քաղաքական թիմը ամեն ինչ անելու է Հայաստանի Հանրապետությունում և Արցախում հանրային համերաշխության հաստատման ու պահպանման, բոլոր կարող ուժերին համախմբելու, փոխադարձ հարգանքի ու փոխըմբռնման մթնոլորտում նորանոր համազգային հաղթանակներ կերտելու համար:
ԱՐՑԱԽ, ԻՄ ՍԵՐ, շնորհավոր անկախությանդ օրը: Քեզ հարատևում ու միայն հաղթանակներ: Մենք ամենքս՝ քո զինվորն ու քեզ զորավիգ»:
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Մենք ենք պետք Եվրոպային, թե Եվրոպան` մեզ
Ռուսաստանն արգելել է «Ջերմուկի» ևս 1,1 մլն շշի վաճառքը
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ուկրաինան կարող է ստիպված լինել հաշտվել իր տարածքի մի մասի կորստի հետ
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...