Ասադը հույսեր է կապում ԱՄՆ-ՌԴ համագործակցության հետ

Սիրիայի նախագահ Բաշար Ասադը գտնում է, որ ԱՄՆ–ի եւ Ռուսաստանի հնարավոր համագործակցությունը օգուտ կբերի աշխարհին, այդ թվում Սիրիային։ Այդ մասին հաղորդում է SANA – ն։

«Այն, ինչ մենք լսեցինք Թրամփի նախընտրական քարոզարշավի հայտարարություններում եւ դրանից հետո, որ առաջնահերթություն է համարվում ահաբեկիչների դեմ պայքարը, եւ հիմնականում «Իսլամական պետության» դեմ պայքարը, դա այն է, ինչ մենք խնդրել ենք վերջին վեց տարիների ընթացքում»– ասել է Ասադը։

Նա գտնում է, որ դրանում հեռանկար կա։ Ասադը նշել է, որ դեռեւս «պետք է սպասել, քան որ դեռ վաղ է ինչ որ գործնական բաների սպասելը»։

«Դա կարող է լինել ԱՄՆ–ի եւ Ռուսաստանի միջեւ համագործակցությունը, որը, ինչպես մենք կարծում ենք, օգուտ կբերի ամբողջ աշխարհին, ներառյալ Սիրիային։ Սակայն, ինչպես ես արդեն ասել եմ, դրան դեռ վաղ է գնահատականներ տալը»,– ասել է նա։
Փետրվարի 4-ին հաղորդվել էր, որ ՄԱԿ–ում Ռուսաստանի եւ ԱՄՆ–ի մշտական ներկայացուցիչներ Վիտալի Չուրկինը եւ Նիկկի Հեյլին հայտարարել են սերտ համագործակցության պատրաստակամության մասին։

«Իսլամական պետությունը» ահաբեկչական խմբավորում է, որի գործունեությունը արգելված է մի շարք երկրներում, այդ թվում Ռուսաստանում։

Այս թեմայով Ասադի նախկին խոսնակը պատմել է՝ ինչպես է նախկին նախագահը փախուստից առաջ փորձել կապվել Պուտինի հետ