Թալիշցիները ցանկանում են վերադառնալ իրենց գյուղ. Արցախպրես

Ապրիլյան պատերազմի ընթացքում հրետակոծված և ավերված Թալիշում շարունակվում են վերականգնման աշխատանքները:

Այս մասին «Արցախպրես»-ի թղթակցի հետ զրույցում ասել է Թալիշի համայնքի ղեկավար Վիլեն Պետրոսյանը և մանրամասնել, որ ընթացքի մեջ է համայնքապետարանի և հանդիսությունների սրահի շինարարությունը, որտեղ այժմ կատարվում են ներքին հարդարման աշխատանքներ:

«Մեկնարկել է մանկապարտեզի հիմքի կառուցման աշխատանքները, ինչպես նաև պատրաստ է դպրոցի և հիմնանորոգվող առանձնատների նախագծերը: Առաջին փուլով նախատեսվում է հիմնանորոգել 16 առանձնատուն` բոլոր կոմունալ հարմարություններով»,-նշել է Վ. Պետրոսյանը:

Համայնքի ղեկավարի տեղեկացմամբ՝ առայժմ Թալիշում բնակվում են միայն տղամարդիկ, իսկ կանայք և երեխանները ժամանակավոր ապաստանել են Արցախի տարբեր բնակավայրերում: «Մարտակերտի շրջանի Ալաշան տեղամասում ունենք ապաստանած 37 ընտանիք` շուրջ 140-145 բնակչով, Մատաղիսում` մոտ 50 բնակիչ, իսկ Արցախի մյուս բնակավայրերում ժամանակավոր բնակություն են հաստատել շուրջ 90 թալիշցիներ»,- հավելել է համայնքի ղեկավարը և ընդգծել, որ թալիշցիները ցանկանում են վերադառնալ իրենց գյուղ:

Այս թեմայով Որքա՞ն ժամանակ կպահանջվի՝ արցախցիներին բնակարանով ապահովելու համար․ Գեղամ Նազարյան Ադրբեջանի մշակութային ցեղասպանության հերթական զոհն է դարձել ազգային գործիչ Ալեք Մանուկյանի արձանը Այսօր Արցախյան շարժման 36-ամյակն է «Արցախի կորուստ, համազգային ճգնաժամ. գոյապայքար ՀՀ պետականության համար». կայացել է «Հայ դատն այսօր» 15-րդ խորհրդաժողովը Ստեփանակերտին մերձակա վառելիքի պահեստի պայթյունից զոհվել է 218, վիրավորվել 120, անհետ կորել 21 մարդ