Ալիևի հետ հանդիպումից հետո Էրդողանը գրառում է կատարել Twitter-ում

Թուրքիայի նախագահ Ռեջեփ Թայիփ Էրդողանը Twitter-ում գրառում է կատարել Ադրբեջանի նախագահ Իլհամ Ալիևի վերաբերյալ:
Թուրքական «Akşam» թերթի կայքի տեղեկացմամբ՝ գրառումը հաջորդել է Ստամբուլի Թարաբյա պալատում Էրդողանի և Ալիևի միջև տեղի ունեցած 1.5 ժամանոց դռնփակ հանդիպմանը:
«Եղբորս՝ @presidentAZ պարոն Ալիևի հետ Ստամբուլում քննարկեցինք երկկողմ հարաբերությունները և տարածաշրջանային խնդիրները: Մեր եղբայրությունը կհարատևի՝ էլ ավելի հզորանալով»,- գրել է Էրդողանը:
Աղբյուրի համաձայն՝ Թուրքիայի նախագահի այս գրառումը հատկապես մեծ ոգևորություն է առաջացրել ադրբեջանցի օգտատերերի շրջանում:

Աղբյուր` Ermenihaber.am