Թքած, թե մոնղոլներն ազատ ընտրություններ են անցկացնում, բայց դե մերն ուրիշ է

Մոնղոլիայի նախագահական ընտրությունների երկրորդ փուլում հաղթել է ընդդիմադիր Դեմոկրատական կուսակցության թեկնածու Խալթամագիյն Բաթուղլան:

«Մոնղոլիան հաղթեց», - հայտարարել է ընդդիմադիր թեկնածուն՝ չսպասելով ուրբաթ օրը անցկացված ընտրությունների վերջնական արդյունքների հրապարակմանը:

54-ամյա Բաթուղլան, ով ստացել է ձայների 50.8 տոկոսը, մասնագիտությամբ նկարիչ է եւ սամբոյի ու ձյուդոյի ազգային հավաքականի անդամ: Ընդդիմադիր թեկնածուն հայտնի է նաեւ իր բիզնես գործունեությամբ: Նա խոստանում է պաշտոնը ստանձնելուն պես սկսել զբաղվել երկրի պետական պարտքի մարմամբ:

Խալթամագիյն Բաթուղլայի հիմնական մրցակիցը Մոնղոլիայի իշխող Ժողովրդական կուսակցության թեկնածու եւ խորհրդարանի խոսնակ Միեգոմբըն Էնխբոլդն է, ով ստացել է քվեների 40․6 տոկոսը:

Այսպիսով, Մոնղոլիայում հաղթել է ընդդիմադիր թեկնածուն: Մոնղոլիայում տեղի են ունեցել հերթական ազատ եւ արդար ընտրությունները: Մոնղոլիայի տնտեսությունը կշարունակի իր առողջ զարգացումը:

Հիմա Հայաստանում կառավորղ վերնախավը զարմանք է ապրում, թե այդ ինչու չեն կեղծել ընտրությունների արդյունքները, փող չեն բաժանել, շրջիկ խմբեր չեն ձեւավորել: Հայաստանյան, այսպես կոչված, որոշ ընդդիմադիրներ էլ իրենց հերթին զարմացել են, թե ինչու Խալթամագիյնը ընթացքում հաջող գործարք չի կնքել գործող իշխանությունների հետ:

Մի խոսքով, թքած ունենք, որ մոնղոլները նորմալ երկիր ունեն եւ ազատ ընտրություններ են անցկացնում, փոխարենը մենք վեց հազար տարի առաջ հզոր պետություն ենք ունեցել եւ Արարատն էլ աշխարհի ամենագեղեցիկ լեռն է:

Top-News.am