Բուլղարիայում ցուցարարները վրանային ճամբարներով շրջափակել են Սոֆիայի կենտրոնը
Սոֆիայի կենտրոնական Ցարիգրադի մայրուղին` Օրլովի կամուրջի եւ Անկախության հրապարակի հարեւանությամբ, կառավարության, Ժողովրդական ժողովի (պառլամենտ) եւ նախագահի աշխատակազմի շենքերի միջեւ, շաբաթ օրն արգելափակվել է վրանային ճամբարներով, որոնք անցած գիշեր տեղադրվել էին հակակառավարական բողոքների մասնակիցների կողմից, փոխանցում է ՏԱՍՍ-ը:
«Ցուցարարները վրանները տեղադրել են ճանապարհի վրա եւ մերժել են ոստիկանության առաջարկները` դրանք մայթ տեղափոխելու մասին: Օրլովի կամրջի վրա ամուր բարիկադներ են կառուցվել, որոնք արգելափակել են ճանապարհահատվածը: Ցուցարարները քարեր եւ շշեր են հավաքում: Բողոքի ցույցի մասնակիցների շրջանում շատ կանայք կան, որոնք խանգարում են ոստիկանությանը ուժ կիրառել»,- ճեպազրույցի ժամանակ ասել է Սոֆիայի ոստիկանության գլխավոր տեսուչ Կրասիմիրա Ստոյադինովան:
Ըստ նրա` բանակցությունները ցուցարարների հետ վրանային քաղաքի լուծարման շուրջ կշարունակվեն: «Մենք հարգում ենք բողոքելու իրավունքը, բայց հորդորում ենք դրա մասնակիցներին խաղաղ գործողություններ իրականացնել, որոնք չեն խանգարի Սոֆիայի մյուս բնակիչներին»,- հավելել է Ստոյադինովան:
Ցուցարարներն արդեն 31 օր բողոքի ցույցեր են անցկացնում Սոֆիայում եւ երկրի այլ քաղաքներում` պահանջելով կառավարության եւ գլխավոր դատախազ Իվան Գեշեւ հրաժարականը: Նախարարների կաբինետը, ըստ նրանց, թաթախված է կոռուպցիայի մեջ եւ իր աշխատանքի ընթացքում չի կարողացել բարեկեցիկ կյանք եւ արժանապատիվ աշխատավարձ ապահովել քաղաքացիների համար: Գեշեւին ցուցարարները մեղադրվում են նախագահ Ռումեն Ռադեւի վրա հարձակման, ցուցադրական խուզարկություններ եւ ձերբակալություններ կազմակերպելու մեջ:
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Տավուշում ոչ մի գազատար չի կառուցվել, նման գործընթաց չկա. մարզպետ
Հանդիպել են գերությունից վերադարձած Վագիֆ Խաչատրյանը և Գևորգ Սուջյանը
Հայ-վրացական գազատարը Հայաստանի խնդրանքով կտեղափոխվի
Ռուսաստանում առաջարկել են ընդլայնել ռազմական գործողությունների գոտին՝ ներառելով ՆԱՏՕ-ի երկրները
Ազգային ժողովը շարունակում է իր քառօրյա նիստերի աշխատանքը (տեսանյութ)
Իրանում պատերազմը Հնդկաստանին կանգնեցրել է գազային ճգնաժամի առաջ
Ուկրաինացի բժիշկները ռազմագերիների վիրահատություններ են կատարել առանց անզգայացման
Հայաստանի ներկայացուցիչը` ՄԱԿ համավարակային միջկառավարական բանակցությունների համակարգող
ԱՄՆ-ը և Իսրայելը Իրանի արտգործնախարարին հանել են թիրախային ցուցակից