«Ելցինը զղջացել է, որ Պուտինին է ընտրել իր իրավահաջորդ». Լուկաշենկո (տեսանյութ)
Բելառուսի նախագահ Ալեքսանդր Լուկաշենկոն ուկրաինացի լրագրող Դմիտրի Գորդոնի «Հյուր Գորդոնի մոտ» հաղորդմանը տված հարցազրույցում հայտարարել է, որ Ռուսաստանի առաջին նախագահ Բորիս Ելցինը հույս ուներ, որ իր իրավահաջորդ Վլադիմիր Պուտինը «կվազի իր մոտ» խորհուրդների համար, սակայն դա տեղի չունեցավ, և նրանց միջև «ճեղքվածք» առաջացավ:
«Չէի ցանկանա մտնել նրանց հարաբերությունների մեջ, բայց նա (Ելցինը) զղջում էր, ես նրա մոտ հաճախ էի լինում: Դա հաճախ էր պատահում, ես աշխատում էի հանգստացնել նրան: Պետք է հասկանալ, որ Ելցինն իշխանություն սիրող մարդ էր, իսկ Պուտինը նույնպես նվեր չէ»,-ասել է Լուկաշենկոն՝ պատասխանելով լրագրողի հարցին այն մասին, թե արդյոք Ելցինը չէր զղջում Պուտինին իրավահաջորդ ընտրելու համար:
Լուկաշենկոն հայտարարել է, որ «Ելցինը հույս ուներ, որ Պուտինն անընդհատ կվազի իր մոտ այս կամ այն հարցով խորհրդատվության, սակայն դա անհնար է, անընդունելի է, դա Պուտինի համար չէ»:
«Եվ ահա սա առաջին պատճառն էր: Միգուցե այնքան էլ առաջինը չէ, որը ճեղքվածք է առաջացրել նրանց միջև: Ես վկա էի»,-հավելել է Լուկաշենկոն:
Հիշեցնենք, որ օգոստոսի 9-ին Բելառուսում տեղի են ունենալու նախագահական ընտրություններ: Ընտրություններին երկրի գործող նախագահ Ալեքսանդր Լուկաշենկոյի հիմնական մրցակիցը լինելու է ընդդիմության միասնական թեկնածու Սվետլանա Տիխանովսկայան:
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Տավուշում ոչ մի գազատար չի կառուցվել, նման գործընթաց չկա. մարզպետ
Հանդիպել են գերությունից վերադարձած Վագիֆ Խաչատրյանը և Գևորգ Սուջյանը
Հայ-վրացական գազատարը Հայաստանի խնդրանքով կտեղափոխվի
Ռուսաստանում առաջարկել են ընդլայնել ռազմական գործողությունների գոտին՝ ներառելով ՆԱՏՕ-ի երկրները
Ազգային ժողովը շարունակում է իր քառօրյա նիստերի աշխատանքը (տեսանյութ)
Իրանում պատերազմը Հնդկաստանին կանգնեցրել է գազային ճգնաժամի առաջ
Ուկրաինացի բժիշկները ռազմագերիների վիրահատություններ են կատարել առանց անզգայացման
Հայաստանի ներկայացուցիչը` ՄԱԿ համավարակային միջկառավարական բանակցությունների համակարգող
ԱՄՆ-ը և Իսրայելը Իրանի արտգործնախարարին հանել են թիրախային ցուցակից