Դարի հարցը. Տղամարդու ուղեղն արդյոք տարբերվո՞ւմ է կնոջ ուղեղից
Տղամարդու ուղեղն արդյոք տարբերվո՞ւմ է կնոջ ուղեղից: Այս հարցը վաղուց ի վեր հուզում է շատերին՝ ե՛ւ գիտնականներին, ե՛ւ սովորական մարդկանց: Այս թեմայով շատ հետազոտություններ են անցկացվել, եւ այսօր եղած տեղեկությունների պարզաբանմանն օգնել է նեյրոկենսաբան եւ ճառագայթային ախտորոշման բժիշկ Աննա Խորուժայան:
«Ինչպե՞ս տեսնել կենդանի ուղեղը» թեմայով առցանց քննարկման ժամանակ մասնագետը նշեց, որ իրականում միջինվիճակագրական տղամարդու ուղեղը միջինվիճակագրական կնոջ ուղեղից ավելի քիչ է տարբերվում, քան երկու առանձին մարդկանց ուղեղները՝ անկախ նրանց սեռից: Սա նշանակում է, որ եթե տղամարդու եւ կնոջ ուղեղի հազարավոր հետազոտությունների հիմքի վրա ստեղծվի միջինվիճակագրական տղամարդու եւ կնոջ ուղեղ, դրանց միջեւ գրեթե չեն լինի տարբերություններ: Բայց միաժամանակ մի մարդու ուղեղը կարող է մեծապես տարբերվել մյուսի ուղեղից:
«Մեր անհատական տարբերություններն անգամ ավելի նկատելի են՝ անկախ սեռից, քան միջսեռային համալիր տարբերությունները: Այս պատճառով անատոմիայի մեջ չկա կնոջ եւ տղամարդու ուղեղի ոչ մի տարբերակ»,- ասել է մասնագետը:
Սակայն որոշ տարբերություններ կարելի է գտնել տղամարդու եւ կնոջ ուղեղի ֆիզիոլոգիայի, նեյրոնային ցանցերին կառուցվածքի մեջ: Այսպես՝ որոշ հետազոտություններ ցույց են տվել, որ միկրոկառուցվածքում տարբերություններ կան բջիջների մակարդակում, մոլեկուլների մակարդակում:
«Հետազոտողները պարզել են, որ կան այնպիսի բջիջներ, որոնք դասվում են գլխուղեղի բջիջների երկրորդ տեսակին, գլիայի բջիջներին: Դրանք միկրոգլիայի բջիջներն են: Կարելի է ասել, որ սա գլխուղեղի սեփական իմունային պաշտպանական համակարգն է: Կնոջ միկրոգլիան եւ տղամարդու միկրոգլիան իրարից շատ լավ են տարբերվում: Տղամարդու միկրոգլիան ավելի ակտիվ է, այն ավելի շուտ է արձագանքում որեւէ վտանգի, բայց եւ ավելի արագ էլ մահանում է, երբ այդ վտանգը վերացնում է: Իսկ կնոջ միկրոգլիան ավելի կանոնավոր է, ավելի ընտրողական է, ավելի դանդաղկոտ, բայց եւ ավելի քիչ է մահանում եւ մի փոքր այլ կերպ է պաշտպանում կնոջ ուղեղը»,- ասել է մասնագետը:
Հայկական ֆուտբոլում հասունանում է իրավական նոր սկանդալ
Իրանը քննարկում է Եվրոպայում ամերիկյան օբյեկտների հարվածներ հասցնելու հնարավորությունը. FT
Ռուսաստանը օգոստոսի 20-ի գիշերը բալիստիկ հրթիռներով հարվածել է Կիևին
Դեպի ԵՄ երկրներ արտահանման ծավալն աճել է
Հրապարակվել է Կառավարության ծրագիրը՝ հիմնված «Իրական Հայաստանի» գաղափարախոսության վրա
Սերգեյ Բագրատյանին երեք օրով չվճարվող արձակուրդ է տրամադրվել
ԱՄՆ տարածաշրջանից «պատվով դուրս գալու» ելք է փնտրում․ Իրանի խորհրդարանի խոսնակ
Վրաերթի են ենարկվել զինծառայողներ, մեկը մահացել է
Գյումրի-Կարս երկաթուղու վերագործարկման հայկական հատվածի նախագծման համար միջազգային մրցույթ է հայտարա...
Սուրեն Պապիկյանն անակնկալ ստուգայցեր է իրականացնում ՊՆ զորամասերում