Օդեսայի ափերի մոտ Սև ծովի ջուրը «ծաղկել» և սկսել է վատ բուրել
Օդեսայի ափերի մոտ Սև ծովի ջուրը սաստիկ շոգի պատճառով կանաչել, խտացել, ծաղկել և դրանում առկա ջրիմուռների քայքայվելու հետևանքով սկսել է վատ բուրել, գրում է eadaily.com կայքը։
Սրա հետ կապված շրջանի սպառողների պետական ծառայությունը ֆեյսբուքյան իր օգտահաշվում հայտարարություն է հրապարակել, որում հորդորել է հանգստացողներին առաջիկա օրերին չլողալ այս լողափերում։
«Օդեսայի ափերին ջուրը հանկարծակի խտացել է՝ նմանվելով կիսելի և զմրուխտագույն դարձել։ Անգամ բաց ծովում հսկայական դեղնականաչավուն հետքեր են առաջացել։ Քամու հետևանքով ալիքները կանաչով են պատել անգամ հանգստացողներին։ Միևնույն ժամանակ վախեցնող է ոչ միայն ջրի գույնը, այլ նաև դրա հոտը»,- ասվում է հաղորդագրության մեջ։
Բնապահպանների խոսքով՝ ափին եղած ջրիմուռներն օդի բարձր ջերմաստիճանի հետևանքով սկսել են քայքայվել հենց ջրում։
«Այլ բառերով ասած՝ ծովը ծաղկել է։ Այդ պատճառով էլ Օդեսայի շրջանի սպառողների պետական ծառայության գլխավոր վարչությունը հատկապես երեխաներին այս ընթացքում ջրում չլողալու զգուշացում է արել»,- հավելել են գերատեսչությունում։
Միևնույն ժամանակ քաղաք ժամանած հյուրերին և բնակիչներին հորդորել են առաջիկա օրերին Սև ծովից հանված ծովամթերք չօգտագործել։
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Տավուշում ոչ մի գազատար չի կառուցվել, նման գործընթաց չկա. մարզպետ
Հայ-վրացական գազատարը Հայաստանի խնդրանքով կտեղափոխվի
Ուկրաինացի բժիշկները ռազմագերիների վիրահատություններ են կատարել առանց անզգայացման
Հանդիպել են գերությունից վերադարձած Վագիֆ Խաչատրյանը և Գևորգ Սուջյանը
Ազգային ժողովը շարունակում է իր քառօրյա նիստերի աշխատանքը (տեսանյութ)
Իրանում պատերազմը Հնդկաստանին կանգնեցրել է գազային ճգնաժամի առաջ
Ռուսաստանում առաջարկել են ընդլայնել ռազմական գործողությունների գոտին՝ ներառելով ՆԱՏՕ-ի երկրները
2026-ը կարևոր տարի է 6G և խելացի համակարգերի համար
Մատենադարանի գործունեությունը ներկայացվել է Գալուստ Կիւլպէնկեան հիմնադրամում