Եթե ինչ-որ մեկը գործում է իմ հանձնարարությամբ, նա կկատարի դա. Քադիրովը մեկնաբանել է Պուտինին վիրավորած վրացի լրագրողին սպանելու պատվերի մասին լուրերը

Չեչնիայի ղեկավար Ռամզան Քադիրովը մեկնաբանել է մեղադրանքներն այն մասին, թե ինքը պատվիրել է ՌԴ նախագահ Վլադիմիր Պուտինին վիրավորած վրացի լրագրողի՝ Գեորգի Գաբունիի սպանությունը: Այս մասին հայտնում է Meduza-ն:

«Այս անգամ ասում են, թե քիլերի են բռնել, որը մտադիր է եղել Քադիրովի պատվերով հարձակում գործել վրացի վայ-լրագրողի նկատմամբ: Պարոնայք, հավատացեք, եթե ինչ-որ մեկը գործում է իմ հանձնարարությամբ, նա կկատարի դա, իսկ եթե առաջադրանքը պետք է կատարել լուռ, ապա ոչ ոք, առավել ևս խորը լճացման մեջ գտնվող ձեր երկրներն այդ մասին չեն իմանա»,- գրել է Քադիրովը ինսթագրամյան իր էջում:

Միևնույն ժամանակ, Չեչնիայի առաջնորդը հայտնել է, թե չի մոռացել Գաբունիայի կողմից հասցված վիրավորանքը:

«Գեորգի Գաբունիան, ինչպես ես ավելի վաղ ասել էի, ավելի լավ է՝ ծնկի գա և ներողություն խնդրի… Նա վիրավորել է ոչ թե 1 մարդու, այլ բոլոր ռուսաստանցիներին: ԴԻմում եմ վրացական իշխանություններին, որպեսզի միջոցներ ձեռնարկեն այդ քաղաքացու վերադաստիարակմանը նպաստելու համար»,- գրել է նա:

Այս տարվա հունիսի 15-ին «Մթավարի արխի» հեռուստաալիքի, որտեղ աշխատում է Գաբունիան, գլխավոր տնօրենը հայտնել էր լրագրողի նկատմամբ նախապատրաստվող հարձակման մասին: Իր խոսքով՝ այդ տեղեկությունը Վրաստանին է փոխանցել Ուկրաինան:

Այս թեմայով Քադիրով. Գրոզնիում հրաձգություն կազմակերպած անձինք ժամանել են արտասահմանից Չեչնիայում հայտնել են Քադիրովի դիմակի օգտագործմամբ սադրանքի նախապատրաստման մասին Կադիրովի դուստրը Չեչնիայի մշակույթի նախարարի առաջին տեղակալ է նշանակվել «Զգաստ կանգնած»․ Կադիրովը պատմել է, թե ինչպես է խոսել Պուտինի հետ Կարծում էի, որ ինձ նոբելյան մրցանակ կտան ահաբեկչության դեմ պայքարի համար, իսկ ինձ ներառում են պատժամիջոցների ցուցակում