Էրդողանի թիկնապահներից մեկը Վաշինգտոնում հարձակման գործով կարող է ազատազրկվել 19 տարով

Մայիսի 16-ին Թուրքիայի նախագահ Ռեջեփ Թայիփ Էրդողանի Վաշինգտոն այցի ժամանակ Թուրքիայի դեսպանի տան առջև տեղի ունեցած հարձակման գործով Թուրքիայի քաղաքացիներից մեկին սպառնում է մինչև 19 տարվա ազատազրկում։ Այս մասին հայտնում է Diken-ը։

Էրդողանի թիկնապահներից մեկի՝ Էյուփ Յըլդըրըմի դեմ, ով ցուցարարների դեմ գործողությունների ամենաակտիվ մասնակիցներից էր, մեղադրանք է առաջադրվել ուժի և բռնության կիրառման, մարմնական վնասվածքներ հասցնելու, էթնիկ հողի վրա ատելության դրսևորման համար:

Նրան ձերբակալել էին հունիսի սկզբին, Նյու Ջերսիում: